Page 88 - ЛИТЕРАТУРА АА5ЫЫТА 4 КЫЛААС 1 ЧААhА

күнүн саҕана, Элиэнэ өрүс иһигэр Тыгын диэн Хаҥалас
төрдө, баайынан даҕаны, ыччатынан даҕаны, бэйэтэ уҥуо-
ҕа да улаханынан, күүһүнэн-уоҕунан даҕаны оччотооҕу
саха аймаҕар тойон-баһылык курдук буолан олорбут
киһи баар эбит. Бу Тыгын киэнэ улахан уола Хаҥыл Ха-
ра аттаах Хардаҕастай Мэргэн диэн киһи баара үһү. Бу
киһи эмиэ туох да икки атахтаах иннин быһа барбат
киһитэ буолбут.

Онон хол дойдуга холооннооҕун булан холоһумуна,
улуу дойдуга утарылаһары булан охсуһумуна күннээн-күө-
нэхтээн сылдьан, дьэ бу Майаҕатта албан аатын истэн,
аатын ылан киирээри, үтүө аатын истэн, өрөгөйүн ылан
киирээри, ол Хаҥыл Хара атын миинэн, туттар үчүгэй сэ-
бин сэбилэнэн тахсыбыт.

Дьэ били киһитэ олорор сиригэр, Кыыс Хаҥа иһигэр
кэлэн киирбитэ, өлүү болдьохтоох, үлүгэр быалаах диэбит
курдук, арай муҥур тиит саҕа үрдүк, сыарҕалаах от кур-
дук кэтит көҕүстээх киһи, сүрдээх улахан тымтайы сүгэн
баран, сыһыыны ортотунан хааман бэрийэн эрэр эбит.
Хардаҕастай Мэргэн санаабыт: «Аата, баҕайы тоҕо баҕас
улаханай, бу улаханын көрө-көрө, күүстээх буолуо диэн
куттанан аатырдар эбит буоллахтара. Уонна хайа кини тыа
мөкү киһитэ туох бөрүкү үһү, охсуһан эрэйдэниэхтээҕэр,
баран ат күөнүнэн түҥнэри көтүтэн ааһыахха. Оччоҕо
атын улуус ааттаахтара «Хардаҕастай Мэргэн обургу Ма-
йаҕатта бөҕөнү суолга баҕа курдук дэлби үктээн ааспыт
үһү» диэн кэпсээтэхтэринэ, мин диэтэх киһи аатым алыс
да арбаныах этэ».

Санаата да, Хаҥыл Хара атын күүскэ кымньыылаан
баран, тэһиинин били баран эрэр киһи диэки салайбы-
та, ат баар-суох күүһүнэн ыстанан тиийэн, күөнүнэн киһи