Page 84 - ЛИТЕРАТУРА АА5ЫЫТА 4 КЫЛААС 1 ЧААhА

V

Эллэйтэн алта уол төрүүр. Бастакы уол Лабыҥха
Сүүрүк, кини сытыы-хотуу, алгыстаах, хойут айыы ойууна
буолбут. Бары сири-дойдуну олоччу кини ааттаталаабыт,
алын бырааттарыгар кини сир-олох ыйыталаан биэрэн,
тус-туспа олохтотолоон ыал оҥортообут. Кинилэргэ тоҥус
дьахталларын ойох булаттаан биэртэлээбит. Иккис уол Бо-
лотой Оххон, киниттэн Байаҕантай улууһа үөскүүр. Дэли
Даххантан — Бороҕон улууһа, Хаайа Хаҥылыттан — Мэ-
ҥэ улууһа, Хатан Хатамаллай диэн бэһис уолтан олохтоох
Хаҥалас улууһа үөскүүллэр. Лабыҥха Сүүрүктэн билиҥҥи
Таатта, Боотуруускай улуус дьоно үөскээн ууһууллар.

Эллэй уолаттара бары сүөһү иитэн, сылгы-ынах сүө-
һүнэн байан, булду бултаан олоорторо үһү.

VI

Омоҕой Баай уола, Дайбаахы Хара диэн баара, Хом-
порой Айыыттан эбии баай көрдөспүтүгэр, үөһэттэн ки-
ниэхэ түөрт атаҕа баһырҕастаах, моойторуктаах, сирэйэ
ураанньыктаах, кутуругун быһаҕаһа үрүҥ хоболоох ыты
түһэрбитэ үһү. Бу манан сылдьан бултаан аһаа, иитилин
диэн соруйан айан түһэрэллэр. Онон кини хара Дьааҥы
устун, кэрийэ-көһө сылдьан, бултаан иитиллэр.

Омоҕой уола Дайбаахы Хараттан билиҥҥи Дьааҥы
дьоно ууһуур-үөскүүр. Онтон Омоҕой Баай хаалларбыт
дьодьоҕон дьонуттан Үс Бүлүү сахата үөскүүр, онон Дьо-
куускай сахатыттан туспа хааннаахтар, майгылаахтар диэн
сэһэн буолара. Эллэй Боотуру кытта соҕурууттан кэлбит