Page 81 - ЛИТЕРАТУРА АА5ЫЫТА 4 КЫЛААС 1 ЧААhА

Омоҕой Баай Эллэй Боотур таһыттан киириитигэр
уҥуоҕа хамсыыр, этэ салаһар буолара дииллэр. Маны
эмээхсинэ Аан Даххан көрөн эппитин: «Хайдах, ол мин
киниттэн сүр-кут баттатыахпыный, куттанарбын билбэп-
пин!» — диэн Омоҕой өрүү билиммэт. Ол гынан мөккүһэн-
нэр, Аан Даххан эмээхсин биир күн, Эллэй таһыттан кии-
риитигэр, оҕонньоругар ымыйалаах кымыһы аҕалан биэр-
битин, Омоҕой уҥуоҕа хамсаан, тоҕо дьалкытан кэбиһэр.
Омоҕой дьэ Эллэйгэ сүр-кут баттатарын онно эрэ били-
нэр. Эмээхсин: «Ити киһи дьолун-соргутун уйумунаҕын,
ити курдук буолаҕын, хата, ити икки кыыспытыттан биир-
дэрин талларан ойох биэриэх, оттон ити мааны кыыһы
Ньыкаа Харахсыны ылыа буоллаҕа, ама көйгө, куһаҕан
кыыһы Хаан Этилиги ылыа дуо?» — диэн этэр. Омо-
ҕой эмээхсинин этиитин эмиэ бэркэ сөбүлүү истэр. Ити
итинэн хаалар.

III

Биир кэмҥэ Омоҕой эмээхсининиин олорон, Эллэйи
аттыларыгар ыҥыран ылан: «Биһиэхэ эн бачча тухары
үлэһит-хамначчыт буолан сырыттыҥ, хор эн кэргэннээх
буолуоххун сөп эбит, онон биһиги икки кыыспытыттан та-
лан, биирдэрин ойох ыл», — диэн этэллэр. Маныаха Эл-
лэй «ээй», «ээх» диэбэт.

Ол да буоллар Эллэй, кырдьык даҕаны, кэргэннэниэн
саныыр буолан барбыт. Кини икки кыыһы чинчилииргэ ба-
рар, хайалара киниэхэ сөптөөҕүн сылыктыы, тала сатыыр.
Биирдэ киирэн: «Көйгө кыыһы Хаан Этилиги ылабын», —
диэн көрдүүр. Онтон кыыһыран, Омоҕой Баай биир ку-
туруга, муоһа суох куочай кугас ынаҕы, биир тааҕылаах