Page 77 - ЛИТЕРАТУРА АА5ЫЫТА 4 КЫЛААС 1 ЧААhА

Онно бытыга суохтара хардарбыт:
— Эһиги иккиэҕит, оттон мин соҕотохпун. Хаастарбыт
иккиэлэр, чөкчөҥөбүт — соҕотох. Эһиги чөкчөҥөнү ылыҥ,
оттон мин икки хааһы ылыым. Оччоҕо эһиги үс буолаҕыт,
биһиги да үс буолуохпут!
— Э-э-э, доҕоччуок, — диэбиттэр бытыктаахтар, —
арааһа, биһигини эмиэ кураанахха олордуоххун баҕараҕын!
Киһи эрэ билэр — чөкчөҥөтөөҕөр хаастар ордуктарын.
Бытыга суохтара хаана да хамсаабатах.
— Сөпкө этэҕит, — диэбит кини, — хаастар чөкчөҥөтөө-
ҕөр быдан ордуктар. Оттон эһиги миигиннээҕэр быдан
ордуккут эбээт!
Бытыктаахтар сирэй-сирэйдэрин көрсүбүттэр: бытыга
суохтара сөпкө этэр курдук! Чөкчөҥөлөрүн үөлбүттэр уон-
на уҥуоҕун соппойон барбыттар.
Оттон бытыга суохтара хаастарын этин тото-хана
сиэбит.
Үһүс күннэригэр булчуттар куба өлөрбүттэр. Үргээбит-
тэр, буһарбыттар, кутааттан күөстэрин таһаарбыттар.
— Кубабытын биһиги хайдах үллэстэбит? — диэн ыйып-
пыт биир бытыктаах киһи.
— Маннык гыныаххайыҥ, — диэбит атын бытыктаах. —
Кубабытын буһарбыт иһиппитигэр хаалларыаҕыҥ, бэйэ-
бит утуйуоҕуҥ. Ким үчүгэй түүлү түһээбит, ол сарсыарда
кубаны сиэтин.
— Бэрт сөп, — диэбит бытыга суохтара, — эһиги эп-
пиккит курдук буоллун!

«Уустук үллэрии» диэн 3 кылаас электроннай үөрэх
кинигэтигэр баар саха остуоруйатын дьоруойдарын кыт-
та тэҥнээҥ.