Page 74 - ЛИТЕРАТУРА АА5ЫЫТА 4 КЫЛААС 1 ЧААhА

Толкуйдаа. Тобул

Сүгэ кыайбатаҕын сүбэ кыайар.

КИМ ТҮҮЛЭ ОРДУГА?
(Казах остуоруйата)
(Быһа тардыы)

1. Казах норуотун туһунан тугу билэргин кэпсээ.
2. Туох туһунан остуоруйаны аахтыҥ?
3. Остуоруйа ааҕааччыны туох санааҕа аҕаларый? Ону

бэлиэтиир тыллары эбэтэр этиини ааҕан иһитиннэр.
4. Ууну омурдубут курдук, хаана да хамсаабат диэн

тыллар ситимнэрин туһунан тугу билэҕин? Ааптар
бу ситимнэри тоҕо туттубута буолуой?

Биирдэ үс булчут — бытыктаах икки баай итиэннэ
бытыга суох биир дьадаҥы — истиэпкэ кус-хаас ыта
барбыттар.

Күнү быһа кураанах сылдьыбыттар. Лаппа киэһэ биир
көтөрү өлөрбүттэр.

Булчуттар сылайан, аччыктаан отууларыгар төннүбүт-
тэр. Кутааларын оттон баран, бултарын хайдах үллэстэр
туһунан төбөлөрүн сыспыттар. Бултара биир этэ, оттон
кинилэр үһүөлэр, хайдах да тэҥ гына үллэрбэккин.

Бытыктаахтар этэллэр:
— Хайабытынааҕар да уһуннук саҥата суох олорбут,
биир да тылы быктарбатах, ол сиэтин.
— Эһиги эппиккит курдук буоллун, — диэн хардарбыт
бытыга суохтара.