Page 70 - ЛИТЕРАТУРА АА5ЫЫТА 4 КЫЛААС 1 ЧААhА

— Ханна айаннаан иһэрий? Тугу гына? — ыйыппыт
кыысчаан.

— Эйигин уоруон баҕарар! — табата хардарбыт.
— Хайдах буолабын? Миигин илдьэ барыа! — кыыс
ыксыыр.
Табата хаары туйаҕынан хаһыйа тэбиэлээбитигэр, оҥ-
хой үөскээбит.
— Манна олоро оҕус!
Кыысчаан олорбут. Табата хаарынан көмөн бурҕаҥна-
тан кэбиспит. Кыыс оннугар хаар дулҕа үөскээбит.
Ый, табаларын тохтотон, наартатыттан түспүт. Кэрийэ
сылдьан тула көрөр — кыыһы көрдүүр да, булан көрбөт!
Хаар дулҕаны көрөр да, олох да аахайбат.
— Тугун дьиктитэй? — диир Ый. — Кыыс ханнаный?
Булуом суох. Кэлин түһүөм. Онно хайаан да булан илдьэ
барыам!
Наартатыгар олорбут, табалара кинини халлааҥҥа өрө
көтүтэн таһаарбыттар.
Ый бараатын кытта таба хаары хаһыйбыт.
Кыысчаан тахсаат эппит:
— Түргэнник түһүлгэҕэ барыах! Ый көрдөҕүнэ, эмиэ
түһүө. Оччоҕо кыайан саһыам суоҕа!
Наартаҕа олороотун кытта табата муҥунан түһүммүт.
Түһүлгэҕэ кэлэн тордоҕор киирбитэ — аҕата суох. Ким
көмөлөһүөй?..
— Саһа оҕус. Билигин Ый эккирэтэн кэлиэ, — табата
ыксатар.
— Ханна саһабын?
— Мин эйигин туохха эмит кубулутуум! Арай таас гын-
нахпына?
— Билиэ!