Page 76 - ЛИТЕРАТУРА АА5ЫЫТА 4 КЫЛААС 1 ЧААhА
P. 76
Кини көтөрүн тиһэх уҥуоҕун силиитин супту оборбутун
кэннэ, онно эрэ бытыктаахтар тэҥҥэ айдаара түспүттэр:
— Сөбүлэһии баарын үрдүнэн, тоҕо эн көтөрбүтүн
сиэтиҥ?
— Эһиги, бадаҕа, сөбүлэһии ис хоһоонун умнубуккут
быһыылаах! — хардарбыт бытыга суохтара. — Этиллибитэ
эбээт: кимтэн да уһуннук саҥарбакка олорбут ол көтөрү
сиэхтээх диэн. Оннук буолбатах дуо? Биһигиттэн хайабыт
бастаан хаһыы-ыһыы түһэрдэ? Эһиги! Ол аата көтөр миэ-
нэ, итиэннэ мин сөпкө сиэбиппин.
Бытыктаахтар бытыктарын өрө-таҥнары тараабыттар,
тугу да гынар кыахтара суох — бытыга суох сөпкө этэр!
Хам аччык утуйарга тиийбиттэр.
Нөҥүө күнүгэр икки хааһы уонна биир чөкчөҥөнү
өлөрбүттэр.
— Булпутун хайдах үллэстэбитий? — дэспиттэр бы-
тыктаахтар.
