Page 149 - Литература 6 кылаас 1 чааhа
P. 149
? Ыйытыылар уонна сорудахтар
1. Ньургун эбэтигэр, эбэтэ Ньургуҥҥа сыһыаннарын ыры-
тыһыҥ. Бу сыһыан ааҕааччыга туох санааны үөскэтэрий?
2. Ньургун: «Ытык сэргэ мин улаатарбын кэтэһэр», —
диэн этиитэ ааҕааччыны ханнык санааҕа тиэрдэрий?
3. Ньургун ыра санаалара туох ис номохтоохторуй?
4. Эдэр дьон сир бастыҥар баҕараллара сөп дуо?
5. Н. Лугинов «Нуоралдьыма чараҥар» сэһэнигэр аар ха-
тыҥы, сэргэни ойуулааһыннар, эһиги санааҕытыгар,
туох суолталаахтарый?
6. Суруйааччы айыл±аны ойуулаа´ыны туох сыаллаах-
соруктаах айымньытыгар киллэрбитий?
! Өйдөө, болҕой
Уус-уран айымньыга айылҕаны дьүһүннээн көрдөрүүнү
айылҕаны ойуулааһын (пейзаж) диэн ааттанар.
АЙАР, АЙЫМНЬЫЛААХ ҮЛЭ
«Нуоралдьыма чараҥар күүлэйдии тиийбитим...» этииттэн
саҕалаан, Нуоралдьымаҕа туох уларыйыы буолбутун ойуу-
лаан, айан суруйуҥ.
Анаан дьүүллэһии
«Киһи хайаатар да төрөөбүт сирдээх-уоттаах, бэйэтэ тус
«Нуоралдьымалаах» эрэ буоллаҕына, сир үрдүгэр чиҥник үк-
тээн, дьоллоохтук кэлэр кэскиллээх олоҕу олорор аналлаах»
диэн санааны аахпыккытыгар, олохтон билбиккитигэр-көр-
бүккүтүгэр тирэҕирэн ырытан дьүүллэһиҥ. Кырдьык оннук
дуу, эбэтэр хайдах дуу?
• Төрөөбүт төрүт сир киһиэхэ туох суолталаах буолуон
сөбүй?
• Атын сири төрөөбүт дойду курдук санаан, таптаан олох
олоруохха сөп дуо?
149
