Page 145 - Литература 6 кылаас 1 чааhа

ытыспар хомуйабын. Ытыһым томточчу туоллаҕына, айах-
пар соҕотохто ньэм гыннаран кэбиһэбин.

Аата минньигэһин!
Өссө икки ытыс дьэдьэни сиэн баран, хатыҥнар анны-
ларынан Нуоралдьыма эмэх буолан тохтубут, онон-манан
ордон турар эргэ бүтэйин кыйа үүммүт биэ эмиийин бөл-
көй-бөлкөй уктарын диэки хаамабын. Хатыылаах умнаһы
таарыйымаары, бэркэ сэрэнэн сыылан киирэн алларат-
тан ук иһин өҥөйдөхпүнэ, күн уотугар бүтэйдии сырдаан
көстөр дьэҥкир отоннор буһуохтарын буһан баран, субу
мүччү түһээри арыычча ыйанан тураллар. Сэрэниин-сэ-
рэнэн хатыылаах ук быыһынан илиибин уган хастыыны
даҕаны илиибэр түһэртээн ылабын уонна эмиэ элбээби-
тин кэннэ ньэм гыннарабын.
Нап-нарын минньигэс амтан, эппин-хааммын сайа ох-
сор курдук, бүтүннүү тарҕанан ньалҕарыйар. Онтон сылаан-
ньыйан, ытык сэргэ төрдүгэр кэтэх тардыстан сытан эрэн
халлааны одуулуубун. Ытык сэргэ, уһун да уһун баҕана
буолан дьураадыйан төбөтүнэн халлаан оройуттан тирэнэр
курдук. Халлааҥҥа үп-үрүҥ куба хааһахтарга майгынныыр
лоһуор былыттар устан көскөһөллөр. Ити хааһахтарга туох
баара буолуой? Арааһа, санаалар буолуо. Элбиих-элбэх са-
наалар. Ол иһин сиринэн сыыллыбакка, халлаанынан көтөн
эрдэхтэрэ. Ханнык эрэ санаалар буоллулар, арыйа баттаан
көрбүт киһи! Ол эрээри ыаҕастаах уу курдук ыбыс-ыарахан
санаалар эмиэ бааллар. Ону мин чахчы билэбин. Эбэлээх
аҕам сороҕор ыарахан санааҕа баттаталларын эндэппэккэ
сэрэйэбин. «Айыккыы-айыкка! Бу былыт баттаатаҕын!» —
диэччи сороҕор эбэм. Ол, арааһа, тирии хааһахха симил-
либит ыарахан санаалар буолуохтара.
Оттон ытык сэргэ санаа саныыра буолуо дуо? Санаа-
мына. Кини мин улаатарбын кэтэһэр. Хаһан эрэ мин, ити
былыттары үрдүлэринэн ойутан иһэн, халлаан оройуттан
супту сурулаан түһэн, кынаттаах ахсым аппын киниэхэ
кынтаччы баайарбын кэтэһэр.
Оччоҕо мин аптаах батаспынан эбэбин баттыыр ыара-
хан санаалаах былыттар хааһахтарын хайыта сынньыта-
лаан киэр үүрүөм. Аан маҥнай абаҕаларым көмүс уҥуох-

145