Page 141 - Литература 6 кылаас 1 чааhа

ра, — диир аҕам уонна кустар кутуруктарыттан киистэ
төбөтүн саҕа хара мөчөкө сыа түүлэрин ылҕаталаан ылар.

Кус бу түүтүн сыатын тумсунан аҕанан ылан түүтүн сот-
тор. Ол иһин эмис кус түүтүгэр уу сыстыбат.

Мин дурдабыт аттыгар түһэн чохчоҥнуу олорбут ку-
раҕаччыны өлөрөн үөрдүм-көттүм. Кустарбытын уонна
мин кураҕаччыбын кэккэлэччи тиэрэ уурталыыбыт. Ол
аата ханыы көрдөһүннэрдэхпит үһү.

Күөлү төгүрүччү булчуттар сааларын тыаһа ньиргийэр.
Ол хайдах эрэ тулалыыр көстүүгэ дьүөрэ, биһиги үөрүүбүт
доҕуһуолун курдук иһиллэр. Кырдьык, кимнээх эрэ, биһиги
курдук, булт үөрүүтүн билэн эрдэхтэрэ. Мин, хайыы-үйэ
«өттүк харалаах» дьиҥнээх булчуттуу сананан, саабын ыга
тутабын. Бастакы булпун имэрийэбин. Эбэбин үөрдүөхпүн
саныыбын. Үчүгэй даҕаны!

— Оок-сиэ, эчи кэрэтин! Көр эрэ, доҕоор, ол саҕаҕы!
Мин аҕам ыйбытын хоту, хара дьирбии курдук, уҥуор-
гу тыа кэннигэр сибилигин аҕай түспүт күн сардаҥата
кыыспыт саҕаҕын көрөбүн эрээри, туох да уһулуччулааҕы
булбаппын. Кини сөхпүт кэрэтин көрөөрү, саҕаҕы өссө
кичэйэн кыҥастаһабын.
Кытара умайар саҕах күөнүгэр чараас ньалака былыт-
тар тылынан сатаан этиллибэт эгэлгэ өҥнөрүнэн кытыаста
кыыстылар. Уонна ол дьикти өҥнөр, бытаан сүүрүккэ оҕус-
таран доллойо устардыы, сыыйа уларыйан, хардарыта сол-
буйсан, сырдаан-хараҥаран, сорохторо чаҕылыйа умайан,
сорохторо уостан, симэлийэн истилэр.
— Истэҕин дуо? Иһит эрэ! — диэн аҕам уруккутун кур-
дук талбааран олорон эмиэ сибигинэйдэ.
Үрдүбүтүгэр уһуктаах кынаттаах үрүҥ тыыраахылар:
«Тып-тык, тыбыах-быах!» — дэһэ-дэһэ, сүрэҕэлдьээбит-
тии, сыбыах-ибиэх сапсыналлар. Кэннибитинээҕи хатыҥ,
тиит, эмиэ да сэдэх харыйа быыстаах тыаҕа намырайан
эрэр чыычаах ырыата араас куолаһынан дьиэрэйэр.
Улахан күөл тула өттүттэн дөрүн-дөрүн ньиргийэр саа
тыаһа сэллээн истэҕин аайы, айылҕа нуктаабыттыы чуум-
пуран, тыа иһинээҕи чобуо саҥа-иҥэ сыыйа им-ньим бар-
да. Арай соҕотох сип-синньигэс, намчы куолас иһиирэн

141