Page 136 - Литература 6 кылаас 1 чааhа

кырыылаах тыҥырахтаах таарыйбатах үп-үрүҥ субалаах
эдэркээн хатыҥнар күөннэригэр киһи хараҕар тута бы-
раҕыллар суо хаан көрүҥнээх.

Үөһэ күөрэгэй биир сиргэ битийэ туран дьырылас ырыа-
нан ыһыахтанар. Бу Нуоралдьыматтан саҕалаан, туох ба-
рыта көҕөрөр-тыллар алыбар ылларбыттыы, сааскы күҥҥэ
сыламныыр.

Арай Нуоралдьыма хабайар хаба ортотугар, аар ха-
тыҥ иннинэн оһуордаах-бичиктээх сүүнэ улахан ытык
сэргэ кур бэйэтэ кубулуйбакка, эбэм этэринии, «туол-
батах ыра туоһута буолан» кубарыйа хатан тураахтыыр.
Кыһыннары-сайыннары мэлдьи биир, мэлдьи соҕотох, бу
сиргэ туох да уларыйбат, сүппэт сүдү баарын санатар.

Чугас эргин ханна даҕаны маннык ураннык оҥоһул-
лубут ураты кэрэ көстүүлээх сэргэ суох. Дэлэҕэ даҕа-
ны көрбүт эрэ барыта, харахтарынан итэҕэйбэтэхтии,
туппахтаан, имэрийэн ылыахтара дуо? Арай бу ытык
сэргэҕэ ахсым ат хантаччы бааллан, өрө тустубат.
Төрдүнээҕи чэгиэн кырыһы сытыы туйахтар быһыта
тэпсибэттэр.

Бу сэргэни уонтан тахса сыллааҕыта, мин төрүөм бы-
дан иннинэ, мин абаҕаларым, сэттэ эр бэрдэ, сэриигэ
барыахтарын иннинэ, «Манна эргиллэн кэллэхпитинэ,
дьиэ-уот туттан дьэндэтиэхпит», — диэн, тыл этэн, алгыс
алҕаан, туруорбуттара үһү. Кинилэртэн мин аҕам соҕотох
быраатынаан, Дьөгүөрдүүн, эрэ эргиллэн кэлбиттэр. Он-
тон бэттэх дьэ уһаайба ити ытык сэргэтэ «туолбатах ыра
туоһута» буолар ыар аналламмыт...

Сэргэлэр... Сэргэлэр, эмиэ дьон курдук, дьоллоох уон-
на сордоох буолаллар үһү ээ! Дьоллоох сэргэҕэ күн ахсын
хоноһолор эҥин бэйэлээх аттара, иччилэрин ааттаах ат-
тара бааллаллар, оттон сордоохтор, бу Нуоралдьыма ту-
лаайах ытык сэргэтин курдук, чороҥ соҕотоҕун суодаһан
тураахтыыллар. Өссө күн-ый көстүбэт ала буркун улуйар
түүнүгэр тулаайах сэргэлэр, дьылҕаларыгар суланан, энэ-
лийэ ытыыллар үһү. Инньэ диэбитэ эбэм. Аар хатыҥ уон-
на ытык сэргэ...

Биирдэрэ, бу тулалыыр айылҕаны кытта силлиһэн

136