Page 139 - Литература 6 кылаас 1 чааhа

ларбын, сырдыкка кыһайан саам иһин көрөбүн. Ып-ыраас,
күөхтүҥү төгүрүк иилэр дьэрэлиһэллэр.

Аҕабынаан, икки тэҥ булчут дьоннуу, сэргэстэһэн күөл-
гэ тиэрдэр суол устун хаамабыт.

— Нохоо, оҕоҕун сэрэнэн илдьэ сырыт. Һыччыай, эн
бэйэҥ эмиэ... — дии хаалар эбэм, дал ааныгар өҥөйөн
биһигини батыһа көрөн турар уонна тугу эрэ уоһун иһигэр
ботугуруур.

Күүтүүлээх күн дьэ үүннэҕэ үһү! Бу күнү хара күһүҥҥүт-
тэн ыла уһун кыһыны, уһун сааһы быһа кэтэһэн ахан биэр-
дим ээ! Бу күн туһунан элбэхтик да санаатым. Маҥнайгы
кылааһы «үһэ» суох үөрэнэн бүтэрдэхпинэ, аҕам миэхэ
саа атыылаһыах уонна куска илдьэ сылдьыах буолбута.
Ол үлэх бүгүн туолан, мааҕын күнүс аҥаардас «түөрт»,
«биэс» сыаналаах таабылбын аҕалан, дьоммор көрдөрөн,
дьэ бу кустуу баран истэхпит.

Саам буоллаҕына, букатын «кырыллыбытынан», маһын
кырааскатын үрдүнэн сотуллубут килбэчигэс лааҕа биир
да сиринэн эмтэрийэн көрө илик. Оҕунуоҕунан биһил-
либит өрбөх сыыһынан сотон кэбистэххэ, тимирэ эмиэ
лаахтаах курдук кылбайа түһэр. Саам иһин бэрт кыра-
тык оҕунуохтаан баран, кураанах буолуор диэри кичэйэн
чуумпурдааччыбын. Уоһун иһэ олус элбэх оҕунуохтаах саа,
быыһын ньылбы тэбэн кэбиһэн, булдун өлөрбөт үһү.

Оо дьэ! Саам биһикки иккиэн хайдахпыт, уйаммыт-ха-
таммыт оттон бүгүн биллээ ини. Саам эрэ үчүгэй буол-
лар. Быһаас Холоорбо диэн ааттаах сааһыт киһи тутан-ха-
бан көрөн баран: «Тимирэ үчүгэй эбит. Ыраахсыт буолсу
быһыылаах», — диэн билгэлээбиттээҕэ. Ол киһи дьэ ха-
йаан да чахчы билбит буолуохтаах.

Эбэбэр туох эмит бултаах төннүбүт киһи! Төһө эрэ күү-
тэн эрэр. Эбэм эрэйдээх дьиэтигэр соҕотоҕун хонууһу
дии. Ээ, ол эрээри мин эбэм улахан, күүстээх. Кини туох-
тан да куттаммат. Оннооҕор абааһыттан даҕаны. Ону баҕас
билэбин. Арай... Арай сарсын кэлбитим дьиэм кураанах
буоллун. Эбэбин абааһы уола уоран илпит буоллун... Оо,
оччоҕо, мин кинини эккирэтэн барчалаан тиийэн, саа-
бынан сирэйин аҥаарын тоҕо ытан кэбиһиэм. Абааһыны

139