Page 138 - Литература 6 кылаас 1 чааhа

сик сыттаммыт, бүтүннүүтэ түү истээх таҥаһы хап-сабар
кэтэн иһэбин. Кэтэн да буолбатах, түөһүм иһигэр өрө ор-
гуйар үөрүүбүн арыычча кыатанан, илиибин-атахпын уунан
биэрэн, эбэм таҥыннарарыгар көмөлөһөбүн.

— Ии, оҕом сыыһа, соторутааҕыта өрбөххө суулана
сытан, ытаан айаҕа оҥойор бэйэтэ, бу номнуо эр киһи
буолан, бултуу-алтыы бараары тэриттэрэн айгыстан
эрдэҕэ, — дии-дии ымманыйар, сирэйбин-харахпын сыл-
лыыр. Таһырдьаттан ону көрө киирбит аҕам саҥа аллайар:

— Уолгун ити туох ааттаах үлүгэр бойбоччу таҥын-
нардыҥ? Икки биэрэстэ сиргэ хайдах хааман тиийэр?
Хорсооҕо эчи улаханын. Саппыкы ордук буолуо эбит.

— Лахсыйыма! Саллар сааһым тухары оннооҕор буо-
луохха тэрийдим ини. Саппыкы оҕо атаҕын оборуо. Муус-
таах уу тыына түүн биллиэ. Онно эбии эбэ обургу арҕаат-
тан ылан тыалыран сиксийдэҕинэ, чараас таҥаһы сиидэ
курдук охсуоҕа. Чэ, эн, быар куустан туруоҥ дуо, баран
сүгэһэргин оҥоһун.

Аҕам мин диэки эбэм көхсүттэн элэктээбиттии көрөн
кэбиһэр, төбөтүн быһа илгистэр уонна тахсан барар.

— Һыллыай, кытаатан сааҕын-сэпкин сэрэнэн сырыт.
Ууга букатын кииримэ. Хорсооҕу² сахсайбыт буоллаҕы-
на, сиигинэн тымныы уу киириэ. Көтөрү эҥин көрдөххүнэ,
олох ыгылыйыма. Булчут холку буолуохтаах. Холку бул-
чут хаһан да ыгым киһитээҕэр элбэҕи бултуйар. — Эбэм
оронун аннынааҕы кыракый холбукаттан оҥо быһыы ойуу
киэргэтиилээх мас кыыннаах быһаҕы сулбу тардан ылан
мин курбар иилэн биэрдэ. — Бу эһэҥ бокуонньук киэнэ.
Кытаатан сүтэрбэккэ, харыстаан илдьэ сылдьан кэриэс
гын... Киһи буол...

Эбэм, куолаһа кэхтэн иһэн, миэхэ көхсүнэн эргийдэ.
Аны өйүөбүтүн бэлэмнээн, мөһөөччүккэ саһарчы буспут
лэппиэскэ, тууйаска сүөгэй кутта.

Мин соторутааҕыта аҕам оройуон кииниттэн миэхэ атыы-
ласпыт сүүрбэ аҕыстаах саабын сүгэбин. Саабынаан тэҥ-
нэстэхпитинэ эмдэй-сэмдэйбит. Аҕам ону көрө-көрө күлэн
быарын тыыттар буолара. Киэһэ аайы утуйарбар ыраас өр-
бөҕү чуумпурга эрийэн, бэркэ кичэйэн сотон уурар да буол-

138