Page 140 - Литература 6 кылаас 1 чааhа

чоҕунан ытар баҕайы үһү, ону билэбин. Онон абааһы уола
куттанан эбэбин тыытыа суоҕа. Мин этиҥ курдук тыас-
таах, чаҕылҕан курдук уоттаах саҥа саалаахпын истибит
буолуохтаах.

Мин эбэбинэн киэн туттабын. Бэйэтэ эппитин курдук,
кини бултааҕар буолуох, сэттэ уолун сэриигэ тэрийэн ыып-
пыта. Билигин эбэм күн аайы кыра уолун Дьөгүөрү кэтэһэр.
Дьөгүөр куоракка үөрэнэр. Сотору кэлиэхтээх.

Биһиги билигин мин, эбэм уонна аҕам буолан үһүөйэх-
пит эрэ. Ийэм наар ыалдьан, ыраах ханна эрэ эмкэ сыл-
дьар. Мин төрүөхпүттэн ыалдьар. Быйыл саас эмиэ кэлэн
барбыта. Эбэбэр наһаа убанан хаалан, соччо кыһаммап-
пын. Аҕам — колхоз председателэ. Онон тура-тура, суум-
ка сүгэһэрдээх, атынан учааскалары кэрийэр.

Эҥээриттэ эбэ хотун маһын саҕатыттан ыла килэгир
уунан мэндээрийэн көрүстэ. Ортотун диэки өссө да уулла
илик мууһа күлтэйэр. Аҕам хантан эрэ тыы соһон аҕалар.

— Сэрэнэн олор. Бу сэппит түөрэккэйэ сүрдээх, — дии-
дии үөс диэки эрдинэр. Тыы уу кырсынан халтарыйардыы,
чэпчэкитик дьулуруйан истэ. Хас хамсаныыгын ааҕа билэн,
оргууй иҥнэҥнии иһэргэ дылы. Мин, тыы икки биттэҕит-
тэн тутуһан, уу кырсын одуулуубун. Өтөр-өтөр дьорохой
оҕолоро, биһигиттэн үргэн, кутуруктарынан ууну охсон
чалымнаталлар. Тэйиччи соболор сэмсээн араҕастыҥы
иэннэрэ килбэҥнэһэллэр. Сотору кумах эҥээрдээх күөлгэ
өтөн киирбит обургу тумуһахха тиксэбит. Аҕам мончуукта-
рын олордуталыыр. Дурдабытын оҥостон олоробут. Саҥа
тулабытын көрүнэн эрдэхпитинэ, кынаттар тыастара куу-
гунастылар да, уу тыаһа чарылыы түстэ. Мин дурда чуол-
ҕанынан көрдөхпүнэ, бачымах курдук харалар көстөллөр
эрээри, онтон хаһа куһун, хаһа мончуугун кыайан араарба-
тым. Аҕам саатын тыаһа икки төгүл субуруччу ньиргийдэ.
Мин ойон турдум. Икки кус үөс диэки көттүлэр, өссө үс кус
мончууктар ортолоругар мөхсөн булумахтаналлар.

— Үчүгэйдэрин! Бу ханнык кустарый? — диэн уу сыс-
тыбатах, ойуулаах кустары биир-биир имэрийтэлии оло-
рон ыйытабын.

— Моонньоҕоттор. Ити биир тыһы, иккитэ атыырда-

140