Page 134 - Литература 6 кылаас 1 чааhа
P. 134
НИКОЛАЙ АЛЕКСЕЕВИЧ ЛУГИНОВ
Саха норуодунай суруйааччыта
(1948)
Н. Лугинов айар үлэтин саҕала-
ныытыгар «Нуоралдьыма чараҥар»
(1979 с.) диэн сэһэни суруйбута. Сэ-
һэн автобиографическай өрүттээх,
ол аата айымньы суруйааччы тус
бэйэтин олоҕун, оҕо сааһын көстүү-
лэригэр олоҕуран суруллубут. Эбэтэ
кыра уолчааны — Ньургуну олоҕу өй-
дүүргэ, сыаналыырга үөрэтэр, но-
руот муудараһын иҥэрэр. Кини:
«Үлэ, тоҥуу-хатыы, хоргуйуу киһини
сииллэр дииллэрэ букатын сымыйа.
... аһыы эбит, сүһүрдэн ыытар сүлү-
һүн», — диэн сиэнигэр этэр.
Оҕолоор, эһиги эмиэ Ньургуну кытта тэҥинэн эбэ эмээх-
син мындыр сүбэлэрин болҕойон ааҕыҥ, олох туһунан тол-
куйдааҥ.
В. Б. Окорокова
Аа±ыы, ырытыы
Нуоралдьыма чараҥар
(Сэһэнтэн быһа тардыы)
Тыа быыһыгар ыт мунна баппат хойуу ыккыйыгар арыы-
арыы курдук ордон хаалбыт халыҥ хомурах ууллан, сык-
кыс буолан сүүрүгүрэр. Үрдүк тииттэр лабааларын нөҥүө
сарадахтанан түһэр күн уотугар ууллан эрэр көмүрүө хаар
кырыылаах бөдөҥ туораахтара сып-сытыынан чаҕылыҥна-
һан, күлүм аллан, кустуктанан ылаллар. Хомурах кытыыта
анныгар халыйбыт ууга өтөр-өтөр «сур-р» гына тохтор.
Сыккыс дьэп-дьэҥкир, ып-ыраас уута маҥнай симиктик
үөрэ-көтө сүүрүгүрэн кылабачыйар. Онтон эниэни таҥнары
134
