Page 129 - Литература 6 кылаас 1 чааhа

Ааҕыы, сэһэргэһии

СОФРОН ПЕТРОВИЧ ДАНИЛОВ
Саха норуодунай суруйааччыта

(1922—1993)

Ийэ барахсан

Отчуттар миэхэ манныгы кэпсээбиттэрэ.
Сайын үһү. Куйааһа, бырдаҕа олус үһү. Колхоз отчут-
тара ортотугар улахан күөллээх алааска үлэлии сылдьы-
быттар. Арай биир эмиэ умайар уот куйаас күн алаас
уҥуоргу өттүнэн, дьон суох сиринэн, эһэ кырдьаҕас тыат-
тан мөөкөрүйэн киирбит. Ойуурдааҕы «оҕонньор» урут
даҕаны бу күөлгэ киирэн сөрүүкүүр, бултуур-алтыыр идэ-
лээх эбит. Күөл кутатыгар батыччахтаабыт суола-ииһэ
баһаам эбитэ үһү.
Эһэ бу сырыыга ууга сытан сөрүүкүү түһэр санаата
суох эбит. Күөл кытыытыгар кэлээт, тыы тиксэр оло-
мунан иһирдьэ киирбит уонна, чочумча ууну одуулаан
хамсаабакка туран баран, уҥа баппаҕайынан охсуолаан
күдээритэ-күдээритэ, кытыы диэки хаһыйан испит. Ол
аата балыктаабыт дьүһүнэ үһү. Балачча оннук хаһыйбах-
таат, хонууга тахсан, от быыһын тиҥсирийэ-тиҥсирийэ,
төттөрү-таары сүүрэкэлээбит. Сүүрэкэлиириттэн сылык-
таатахха, соччо бултуйбатахха дылы үһү. Малыйбытыттан
кыыһырдаҕа буолуо, кытыыга үүнэн турбут иирэ талах-
тары лөглөрүтэ тардан киэр элитэлээбит уонна тыатын
диэки даадардыы турбут.
Сарсыныгар эһэ эмиэ киирбит. Бу сырыыга кустуур
санааламмыт. Кута хомуһун кэһэн, уҥа-хаҥас охсуолаан,
тыас-уус бөҕөнү түһэрбит. Ийэ кустар хахаарыылара, оҕо
кустар мээтиргэһиилэрэ, өй мэйдээх тулуйбат күүгээнэ
саҕаламмыт. Кынаттаммыт кустар өрө көтөн күлүбүрэс-
питтэр. Арыый обургулар, ийэлэрин батыһан, үөскэ ус-
тан субуллубуттар.
Эһэ буоллаҕына, хомуһу үнтү кэһэн, күөл арҕаа уһугун
диэки баран испит. Онно ийэ чыркымай оҕолорун күн
бэҕэһээ эрэ күөл кытыытыгар саҥа киллэрэ сылдьыбы-

129