Page 126 - Литература 6 кылаас 1 чааhа

Тыыннаах тыл

«Аана кытаат…» диэн Аанаҕа сүбэ сурукта суруйуҥ.

***

Тоҕойдуур: «Кэбис… төрүттэрбит дойдуларыгар айан-
нааһын диэн бары да ытык ыйаахпыт, өлбүтү олус аһы-
йан харыыта суох харах уутунан уһуннаран ыытар улахан
аньыы…» — диэн, миигин уоскута сатыыра да, ол миэ-
хэ хайдах да кыаллыбата… Кумаар, бырдах, күлүмээн
сииригэр төрүт кыһаллан көрбөтүм… Халтаһаларым иһэн
тахсыахтарыгар диэри ытаан, хас да хонугу быһа утуй-
бакка, иннибин-кэннибин дьүүллээн арааран көрбөккө
иһэн, ыллык суол силиһиттэн-мутугуттан иҥнэн туруйа-
лаан ыларым, умса баран да түһэрим, ол аайы эбии
сэтэрэн уйа-кэйэ суох ытыырым… Ийэм барахсан суох
буолбутун отой итэҕэйбэтим, ама хайдах аны ийэтэ суох
олоруохпунуй, эчи ынырыгын… ама хайдах… диэн көстөн
турар кырдьыгы букатын итэҕэйиэх санаам кэлбэтэ…
Сибилигин өтөхпүтүгэр төнүннүбүт да, эбэтэр бу түүл-
бит курдук ааһа көтөр амырыын алдьархайтан уһуктан
кэллим да: ийэм мичээрдээн мыттыйбытынан, такымын
ааһар уһун хара суһуоҕун сэлии муоһа кырыбыайкатынан
намылыччы, наҕылыччы сыыйан тараана олоруохтааҕа…

Булгунньах кырдал нөҥүө өттүгэр, көлүйэҕэ, мас тыы-
тыгар олорон илимин дуу, туутун дуу бэрийэ сылдьы-
быт оҕонньор биһигини көрөн, устан тэлбиҥнэтэн кэл-
битэ. Оол курдук дьулугурас тэтиҥнэринэн сэлэлээбит
томторҕоно тэллэҕиттэн чугас Быһахчаан диэн эмиэ дьо-
ҕус чүөмпэ көлүйэ хараарара. Күрүөлээх-хаһаалаах ам-
паар дьиэ көстөрө. Ити — Өлөксөндүрүөп Уйбаан диэн
кырдьаҕас оҕонньор олохсуйан олорор көстөр ыыра этэ.
Оҕонньор Түөстэрэй диэн хара эриэн ыттааҕа, көлүйэни
эргийэ, кутаҥнас кута устун мэтэҥэлии көтөн, кута ха-
раҕар түһэн өрө бырдааттана-бырдааттана, от быыһыт-
тан ханнык эрэ хараарсыбыт кустары үөскэ үргүтэлээн
талыбыратан киллэрэ-киллэрэ иччитэ кытылга тиксиэн

126