Page 121 - Литература 6 кылаас 1 чааhа

баран, хас да өлбүт куһу таһааран үгэспитинэн үргээн,
мииннээн ийэбинээн күөстэннибит. Ийэм, киһи эрэ дьик-
тиргиэх, сорох үтүө күн, ис-иһиттэн сэргэхсийбиккэ ды-
лы буолан, таҥнан, таска өйөтөн тахсан, дьиэтин иннигэр
таас хамсатыгар табах уурунан уматтан, соп-соп соп-
пойо-соппойо, дүлүҥ олоппос үөһэ чөкөйөн, сайыҥҥы
айылҕа кэрэ көстүүтүн кэрэхсии одуулаһан, уһуннук оло-
рор. Оччоҕуна мин: «Ийэм үтүөрээри гыммыт…» — диэн,
сүрдээҕин үөрэбин, ол күн бэркэ диэн эгди буолан, сүр-
гэм көтөҕүллэн, оҕо киһи сүүрүү былаастаах сылдьан,
дьиэм түбүгүн дөбөҥнүк бүтэрэн-оһорон кэбиһэбин.

Таайым Бэтигэ баран уһаабата, биир хоноот, нөҥүө
киэһэтигэр төттөрү кэллэ… «Сэрии буолбут үһү…» — диэн
сэһэннээх. Ийэм биһикки ону улаханнык сэҥээрбэтибит,
ол ханна эрэ, били эппиккэ дылы, «киһи санаатаҕына са-
наата тиийбэт ыраах», хайа эрэ соҕуруу дойдуга турбут
сэрии туһунан сонуну соччо ахсарбатыбыт, хата, холкуос
олоҕун-дьаһаҕын туһунан сураһыы, кэпсэтии ордук та-
ҕыста. Ол эрэн таайым санаата, тоҕо эрэ, наар сэриигэ
иэҕиллэн кэлэ турар: «Сотору бүтэр сэрии ини, уһуо суо-
ҕа…» — диир.

Ийэм ыарытыйар сураҕын истэн, чугастык санаһар
дьүөгэлэрэ Лэҥкэй Аана уонна Балгыычыйа Маарыйа
саас хаста да кэлэн көрсөн барбыттара. Бастакы сы-
рыыларыгар икки, иккис сырыыларыгар үс хоммуттара.
Кэһиилэрин: бурдук, сиикэй арыы аҕалбыттар этэ. Ийэ-
бин бэркэ диэн сэргэхсиппиттэрэ. Таска кулуһун оттон,
таайым кинилэргэ анаан илимин э´эн таһаарбыт эмис
соботун үтэһэҕэ үөлэн буһаран, төннөллөрүгэр тымтай-
дарыгар толору сүгэн илдьибиттэрэ. Лэҥкэй Ааналаах
биһиэхэ аҕалбыт ас кэһиилэринээҕэр, кинилэр кэпсэл-
лэрэ-ипсэллэрэ, ырыалара-тойуктара, кулуһун тула оло-
рон хомус тардан дьүрүһүтэллэрэ ордук күндүтэ.

Сотору таайым, тулуйан-тэһийэн сыппата, эмиэ Арҕаа
Кыргыдайга, Бэтигэ барда уонна тоҕо эрэ уһаата, тар-
дылынна. Бүөтүр барбыта иккис күнүгэр ийэм эмискэ
бэргээтэ, букатын сытан хаалла. Мин ыксаатым, ыгы-
лыйдым, ийэм оронун ыксатыттан арахсыбатым даҕаны.
Саатар, болдьообут курдук, халлаан халыҥ былытынан

121