Page 116 - Литература 6 кылаас 1 чааhа

этэллэрэ биһиги сир түннүгэ ытык
дьоммут. Кырдьыга да оннук. Ийэ-
ҕэ таптал, ийэбит эмиийин үүтүн
кытта сүрэхпитигэр сөҥөрбүт тө-
рөөбүт тылбытыгар таптал, киим-
митин кистээбит төрүт буор ийэ
дойдубутугар таптал — барыта
биир ситимнээхтэр.

Төрүттэрбит түҥ былыр олорон
ааспыт олохторун билии, үөрэтии,
чинчийии — өбүгэлэрбитигэр үрдүк
ытыктабылбыт туоһута. Норуотун
урукку, ааспыт олоҕун ахсарбат,
сэҥээрбэт киһи — син биир силиһэ кэрдиллибит мас
кэриэтэ тирэҕэ суох буолар.
Мин ийэм барахсан эмиэ да кыһалҕалаах, эмиэ да
дьоллоох оҕо сааһын туһунан араас кэпсээннэрин, ах-
тыыларын бэрт кыра эрдэхпиттэн истэн улааппытым. Кэ-
лин ситэн-хотон истэҕим аайытын сээркээн сэһэнньит
ийэм барахсан олоҕун туһунан тугу эмэни сурук гынан
суоллаан хаалларбыт киһи баар ини диэн баҕа санаа,
бэл, утуйар уубун уйгуурдан, үүйэ-хаайа тутар буолан
барбыта. Отуппун ааспытым кэннэ, ол ыра санаам туо-
лар күнэ-дьыла кэлэн, баҕарбыт баҕа санаабын толорон,
уус-уран айымньыга ылсыбыт унньуктаах, уһун айар үлэм
саҕаламмыта. Тоҕус аҥаар сыл идэ-дьарык оҥостон сы-
ралаһан үлэлээн, «Ийэм кэпсиир…» арамааным түөрт ки-
нигэтин суруйан түмүктээбитим…
«Ийэм кэпсиир…» арамааным эһиэхэ, оҕо дьон, сүрэ-
ҕэр истиҥ иэйиини күөдьүттэҕинэ, олоххо кыраҕы көрүү-
нү көбүттэҕинэ, кэскиллээх кэрэ санааны сахтаҕына —
айбыт айымньым соругун сиппитин туоһута буолуо этэ…

Ааптар

116