Page 118 - Литература 6 кылаас 1 чааhа
P. 118
— Кэбис, күүгүнээмэ… — ийэм саба сапсыйан кэбис-
питэ.
Кырдал тэллэҕэр түһэн, көөнньүбүккэ дылы дыргыл
сыттаах сиһик тыа быыһынан орҕочуйар ыллык суол ус-
тун, туолуохча буолбут отонноох ыаҕастаах ыаҕайалар-
бытын ситии быаларыттан тэйгэччи тутан бэйэ-бэйэби-
тин батыаккалаһан истэхпитинэ:
— Ити, тоом, буоспа ыарыыга дьиэ-дьиэнэн имири
эстибит сордоохтор хараллыбыт уҥуохтара, — диэн
ийэм мин ыйытыыбын хоруйа, хардата суох хаалларан
кэбиспэтэх үгэһинэн быһааран биэрбитэ. — Хата, ки-
нилэр киһилии хараллан тураллар… — салгыы кэпсээн
барбыта…
Мин ийэм кэпсээнин саҥата суох истэ эрэ испитим.
? Ыйытыылар уонна сорудахтар
1. Кэпсээни болҕойон ааҕыҥ. Кыыс Курчугунаан Балбаа-
ратын төрөппүт ийэтинээҕэр ордоруох санаата тоҕо кэл-
бэтэҕин быһаарыҥ.
2. Киһи уҥуоҕун сэргиири сахалар тоҕо сөбүлээбэттэрин
туһунан кэпсэтиһиҥ.
3. Ийэ: «Дьон киһилии хараллыбыт», — диэн тугу этэ-
рий, ырытыһыҥ.
Тыыннаах тыл
«Аана чыычаах оҕолорун аһатар…» диэн кылгас суругу-
нан үлэтэ оҥоруҥ.
***
Оттооххо маҥнай көһөн кэллэхпит утаата сайыныгар
уонна күһүнүгэр дьоммун кытары оттоһон, ийэбинээн сир
астаан, ардыгар тэллэйи батан уччуйан хаалбыт ынахпы-
тын көрдөөн, чугас эргин тыаны, ойууру син билбэхтэһэ-
рим эрээри, бэйэм соҕотоҕун мээнэ тэлэһийэрбиттэн
туттунарым. Биир үксүн өтөхпүт таһыгар оҕолоох эһэ
118
