Page 122 - Литература 6 кылаас 1 чааhа

ыаһыра бүрүллэн баран, ардыахча ардаабакка биир кэм
бүдүгүрэ харааран турара киһи кутун-сүрүн эрэ баттыах
айылаах. Дөрүн-дөрүн ханна эрэ ыраах арҕаа саҕах диэ-
ки этиҥ этэн лүһүгүрэтэрэ иһиллэр… Харааннаан быр-
даҕа, кумаара да сүрдэннэ. Сирэй оһох ураатынан кии-
рэр кумаардары тумнараары киһиргэһи уматан, сиикэй
күөх оту быраҕан биэрэбин. Ол да үрдүнэн эймэҥнэс
хойуу кумаар син быыс-хайаҕас булан дьиэ иһэ толору.
Искэ түптэлиэхпин, ийэм агдата аһыйан сөтөллүө диэн
ол туһунан саныы да барбаппын. Аны ынахпыт Тамма ити
айылаах түспүт үөнтэн-күрдьэҕэттэн куотан, тэскилээн
эрдэлээн кэлэн баран, санаабар, туох эрэ куһаҕаны бит-
тэммиккэ дылы, иччилээх аҕайдык маҥыраа да маҥы-
раа буолара миигин ордук эбии ыгылытар. Кыл түгэн
сырыынан, сүүрэн тахсан — таһа хаппыт, иһэ инчэҕэй
балбааҕы хоҥнорон аҕалан, түптэбин эбэн, күөдьүтэн,
буруотун хойуннаран биэрдим. Тамма дьэ уоскуйан, би-
ли айылаах эҥсэ маҥыраабытын тохтотон, тыһаҕаһын
кытары буруо быыһыгар харахтарын симириҥнэтэ-сими-
риҥнэтэ, тэбиэлэнэн кэбиһэ-кэбиһэ, кутуруктарын уҥа-
хаҥас дэйбэҥнэтэ-дэйбэҥнэтэ тааллылар. Ити ыккарды-
гар ийэбэр киирэ охсон таҕыстым. Ийэм сытар… Кыл
дэйбииринэн кумаардаабыта буолабын да, эймэҥнэс
бырдах көҕүрүөх быһыыта суох. Түннүккэ топпут кумаар-
дар истэрин кыаммакка кытарыҥнаһа тэйгэҥнэһэллэрин,
абара-сатара, харса суох сабыта сынньабын, онтукайым
ньиччи бараннар, түннүк туоһа кытарымтыйан хаалар.
Эмиэ кыл түгэнэ сүүрүүнэн тахсан, ыаҕайабын сиргэ
ууран, ынахпын ыан тыккырдаппыта буоллум. Тамма түп-
тэттэн арахпат, буруоҕа чачайа-чачайа ханнык эмэ син
ыатым.

Чугас эргин холкуостарга барыларыгар биллибит ти-
мир ууһа, Дарайыы Киргиэлэй, алтан чаанньык хаппаҕын
тардан, солуурчах оҥорбутугар бурдугунан хааһылаан,
били үүтүм дуомунан тумалаан, сойо түспүтүн кэннэ ийэ-
бин аһата сатаатым да, төрүт хамыйах да хааһыны сиэ-
бэтэ. Дьоҕойон ханнык эмэ, аҕыйах омурт чэй эрэ иһэ
түстэ.

122