Page 120 - Литература 6 кылаас 1 чааhа

Ийэбин таайбынаан, аттыттан арахсыбакка, ыарыы-
лаабыппыт. Бүөтүр илимин көрөрө, тиргэтиттэн кус ылан
таҕыстаҕына, сонно үргүү охсон мииннээн иһэрбит.
Ийэм: «Сүрэҕим ылбат…» — диэн, тугу да аанньа аһааба-
та. Мин өйдүөхпүттэн хаҥас илиитин ортоку тарбаҕыттан
араарбатах, ытык угар элэйэн отой быстан, ааллыллан
хаалбыт биһилэҕэ — сүһүөҕүттэн эрэ иҥнэн толугуруу
эргийэ сылдьар буолан хаалбыта, ол курдук букатын
быста ырбыта. Ардыгар таһырдьаттан киирэн иһэн, ийэм
көмүскэлэрин иһигэр уолан хаалбыт, ол эрээри уоттаах
харахтарынан уун-утары супту одуулаан сытар дьиктитик
уларыйбыт дьүһүнүттэн дьик гына түһэрим. Урут эбэлээх
эһэбин сүтэрбит сүрэх баастаах киһи, «аны ийэм өлөн
хаалыа» диэн сүрдээҕин куттанарым, киһи көрбөтүгэр
ытыырым.

? Ыйытыылар уонна сорудахтар

1. Аана үтүө майгылаах, үлэһит оҕо буолара ханнык тү-
гэннэргэ, ханнык тылларынан бэриллэрий?

2. Бу ыал ынахтарын бэрт дуона суох үүтүн бэйэ-бэйэ-
лэригэр сыҥалаһан сүгүн да испэттэрэ кинилэр туста-
рынан тугу этэрий?

3. Кыыс ытыырын ийэтиттэн тоҕо кистиирий?

***

Биир күн, бэс ыйын бүтүүтэ, таайым, ханна да бар-
батаҕа-кэлбэтэҕэ ырааппыт киһи, биир үксүн ийэм да
хаайан, Бэтигэ сонун истэ, сэргэхсийэ диэн барда. Ку-
йааһа бэрдин иһин, кыл илимҥэ иҥнибит собо сытыйыа
диэн, илимин эһэн кэбистэ. Арай тиргэтин хаалларда.
Сарсыарда уонна киэһэ таайым тиргэлэрин көрөрүм. Кус
элбэҕэ бэрдиттэн туома хас айа аайы аахтара иҥнэрэ.
Мөскөччү уойбут сорсо куһа, муҥур купчуу кэриэтэ ис
хаата чыркымайдар да бааллар.

Кыл туһахха иҥнэн мөхсөн тилигирии олорор, тыын-
наах хас да куһу аһынаммын, араартаан көҥүл ыыталаан

120