Page 117 - Литература 6 кылаас 1 чааhа

Аа±ыы, ырытыы

Ийэм кэпсиир

£рөө Көстөкүүн Моойторук олуктаах ампаарын сэбэр-
гэнэтигэр сылгы чыычааҕын оҕолоро хайыы сахха тэһэн,
айахтарын муҥунан атан, ас көрдүүллэрин сэрэйэн, ку-
маар, бырдах, күлүмэн мунньан аҕалан биир-биир аһа-
талыырым. Хатыҥ чараҥ, тиит тыа хараҥа күлүгүн анны-
гар үүммүт, минньигэс сыттаах моонньоҕон сэбирдэҕин
тоноон, быһыта тыытан бэристэхпинэ, чыычаах оҕолоро
соччо сиэбэттэрэ. Ардыгар, ытыспар тутан аҕалбыт үөм-
мүн-көйүүрбүн уйа анныгар, эркин олугар уурарым. Ийэ
сылгы чыычааҕа үрдүбүнэн чырыптыы-чырыптыы көтө-
дайа сылдьан баран, эркин олугар түһэн, уһун кутуруга
тэлбиҥнии, тула-мала, турус-ирис көрүөлэнэ-көрүөлэнэ,
мин уурбут аспын биир-биир тумсунан ытыран, оҕолорун
аһаталыыра, оччоҕуна улахан туһалааҕы оҥорбут киһи
буолан олус үөрэрим.

Оттоох эбэ хоту өттүгэр, күөлтэн көстөр үрдүк кыр-
далга дьон хараллыбыт уҥуохтара бааллара. Күһүн ийэ-
бинээн отоннуу сылдьан, хаамаайылаан, киһи уҥуохта-
рыгар тиийэн хаалбыппытыттан бэйэбит да соһуйбуппут.
Ийэм, ити кырдалга сытар дьону билэр эбит этэ:

— Бу, тоом, сүрэхтээбит ийэҥ, Курчугунаан ойоҕо Бал-
баара барахсан сытаахтыыр, — диэн, кус түөһэ моһуон-
наах, лаппычах курдук кылгас кириэстээх уҥуоҕу сэҥийэ-
тинэн ыйан көрдөрбүтэ. — Сүрэхтээбит ийэ, бэл, төрөппүт
ийэтээҕэр ордук чугас суолталанар үһү, — эбэн эппитэ
ийэм, ол эрэн мин, үгэспинэн, хаһан да харахтаабатах,
көрбөтөх Курчугунаан Балбаарата диэни, оҕо киһи су-
дургу санаабар, төрөппүт ийэбинээҕэр ордоруох санаам,
тоҕо эрэ, син биир кэлбэтэҕэ.

Хас да уҥуохха, үстүүгэ, түөртүүгэ тиийэ, үрдүк ки-
риэстэр кэккэлэһэ туралларын дьиктиргээн:

— Ийээ, ити тоҕо биир сиргэ хастыы да кириэһи кэк-
кэлэппиттэрий, ордук тупсаҕай, үчүгэй көстүүлээх буол-
лун диэн дуо? — ыйыппытым мин.

117