Page 111 - Литература 6 кылаас 1 чааhа

тоҥон өлбүт сураҕа иһиллибит. Соҕотох уолуттан мап-
пыт хара соругар Лэглээр оҕонньор, «санаата оонньоон»,
кыһыны туоруур атах аҥаара этин киллэрэн, бүтүннүү
үлтү сабаан кэбиспит.

Онтон сааһыары биир киэһэ улахан үөрүү буолла.
Сүөдэр Бэһиэлэйэп атын хамначчыта өлбүт, Лэглээр уола
тыыннаах үһү.

Кэрэ саас кэлэн истэ. Күн уота сылыйан, маҥнай-
гы харалдьык тахсыаҕыттан ыла Микиитэ, таһырдьаттан
киирбэккэ, чалбаҕы сэмсиир буолла.

Таһырдьа ынырыктык чөҥөрүттүбүт аһаҕас түннүктэр-
дээх иччитэх балаҕан үллэн турар. Ити — Сүөдэр Бэһиэ-
лэйэп кыстык балаҕана. Хаһан эрэ, биир кураан дьылга,
«кэлээччи-барааччы атаҕыттан» тэйэн биэрээри, баай
Сүөдэр Бэһиэлэйэп дьадаҥы Лэглээрдэртэн көҥүллэтэн,
Дулҕалаахха быстах кыстыыр балаҕан туттубут. Биир
эрэ кыһыҥҥа көҥүллэтэн баран, онтон ыла үксүн манна
кыстыыр уонна саас эрдэ, хаар ситэ хараара илигинэ,
бэйэтин олохтоох дьиэтигэр-уотугар көһөн хаалар эбит.

Кэбиһиилээх от курдук үллүбүт баай балаҕанын та-
һыгар Лэглээрдэр балаҕаннара эрбэһин бугул курдук чөк-
чөллөн турар.

Икки балаҕан анныгар Талба өрүс тунаа маҥан мууһу-
нан бүрүллэн сытар. Чуҥкунас чуумпу дойду.

Биир киэһэ Микиитэ чалбахха сүгэ олуктарын там-
нааттыы туран көрдөҕүнэ, тус соҕуруу диэкиттэн биир
киһи тиэтэйэ хааман дьулугурайан иһэр. Ньылбы сы-
тыйбыт ынах этэрбэстэрин чиккэччи тардыталаан баран,
сигэнэн баайталаабыт, көхсүгэр куул сүгэһэрдээх, ыас
хара сирэйэ тириппитин илдьиркэй суккунун сиэҕинэн
туора соттор, мичээрдээн, бөдөҥ тиистэрэ килбэҥнээн
көстөллөр. Уол балаҕанын диэки сүүрдэ. Киһи: «Микии-
тээ!» — диэбитинэн ыстанан кэлэн, уолу харбаан ылла
да, өрүтэ анньан күөрэҥнэттэ, бобута кууһан сыллаата-
уураата уонна көтөхпүтүнэн балаҕаҥҥа киирдэ.

Микиитэ ийэлээх эһэтэ үөрэн өрө көтө түстүлэр, куулу
сүөрэ баттаатылар: биир суу иҥиир, илбирийбит сон,
таба баттаҕа бэргэһэ, биир килиэп уонна чиэппэр чэй

111