Page 147 - Литература 6 кылаас 1 чааhа
P. 147
да сиринэн тоһутталанан, уҥа-хаҥас сууллаллар. Биирдэ
илиим күүскэ аһый гынар да, мин онно кыһаммакка, бары-
ларын кырган бүтэрэн эрэ баран биирдэ тохтуубун.
Тэлгэһэбэр аҕам тураҕас ата бааллан турарын көрөн сэр-
гиибин. Дьиэбэр киирбитим, эбэм күөс хоторо турар. Тэ-
риэлкэҕэ кырбастаммыт сыалаах эт буруолуур. Аҕам, оро-
нугар тиэрэ түһэн, кэтэх тардыстан сытан эрэн, өһүө баһын
одуулуур. Мин чугаһаабыппар сүүспүн хатыылаах иэдэһинэн
хаарыйан, халы-мүлү сыллаан ылла уонна эмиэ уруккутун
курдук, ханнык эрэ санааҕа баттаппытын кубулуппата. Эбэм
былаатынан сүүһүн көлөһүнүн соттор, үөһэ тыынан кэбиһэр.
Дьиэбит иһигэр тобус-толору ыарахан санаа былыта си-
миллэн хаалбыкка дылы. Тугу барытын ыарахан тыынынан
саба баттыыр, сүрэҕи-быары ыгар курдук.
Уруккубутунуу күө-дьаа кэпсэппэккэбит эрэ, бу сырыы-
га саҥата суох аһыыбыт. Мин дьонум сирэйдэрин-харах-
тарын кэтэһэбин.
Аҕам итии мииннээх тэриэлкэтигэр тугу эрэ сонурҕаа-
быттыы одуулаһар. Амтаһыйбыттыы бытааннык аһыыр.
Эбэм, аҕам диэки тугу эрэ кэтэспиттии көрөр да, саҥар-
бат. Мин түргэнник аһаан бүтэн, хоско киирэн ороммор
сытабын.
— Ийээ, мин эйигин кытары кэпсэтэрдээх этим, —
диир аҕам кэмниэ-кэнэҕэс.
— Ээ дьэ, кэпсэт. Мааҕыттан ону кэтэһэн ахан олоро-
бун, — диэтэ эбэм саҥата кытаанахтык.
— Хайдах, хайа өттүттэн саҕалыахпын сатаан санаа-
баппын... Ыарахан кэпсэтии...
— Көнөтүнэн эттэҕиҥ дии. Хайдах да эрийэн этииттэн
ыарахан чэпчиэ суоҕа.
— Хорохой кыыһа Морууса Быыралыын холбоһоллор үһү.
— Билэбин.
— Онно тугу көрдүүллэр... Нуоралдьыманы... Дьиэ тут-
таары...
— Оо, ол иһин даҕаны!.. — эбэм ыараханнык ынчык-
таан ыларга дылы гынна. — Ол иһин даҕаны сүрэҕим сэ-
рэйбитэ ээ... Бээ, ону... ону эн бэрдэрээри суккуччу көрөн
олороҕун дуо, нохоо?!
147
