Page 119 - Литература 7 кылаас 1 чааhа
P. 119
АНЕМПОДИСТ ИВАНОВИЧ СОФРОНОВ — АЛАМПА
(1886—1935)
Аан дойдуга төрөөн-үөскээн, киһи
буолан бэлиэ хаалларарым — ити айым-
ньыларым буолаллар, ону сыа-сым кур-
дук тутаннар, кэнэҕэски үөскүүр ыч-
чакка билиһиннэрэллэрэ буоллар, мин
дьолум ол буолуо этэ.
Алампа
Алампа айымньыларын проблема-
тиката элбэх: Баай уонна Дьадаҥы,
Сымыйа уонна Кырдьык, Айыы уонна
Саат, Саат уонна Суобас, Киһи анала
уонна Өй арааһа курдук киһи аймахха
бары кэмҥэ сыһыаннаах боппуруостар киирбиттэр. Сүрүн са-
наата — хайата баҕарар буолуон сөп: уорума — олоххун аймаа-
ма да диэн; көнө сүрэххинэн, ыраас суобаскынан олор, онтон
ордук дьол суох диэн; киһи олоҕо кылгас, ону өссө кылгатыма
да диэн; эйэлээх буол — этиһимэ, сиэрдээх буол — сиэһимэ
диэн буолуон сөп.
В.Н. Протодьяконов
Анемподист Иванович Софронов — Алампа 1886 сыллаахха
сэтинньи 14 күнүгэр Таатта улууһун 1 Дьохсоҕон нэһилиэгэр
төрөөбүтэ. Алампа төрөппүт ийэтэ эрдэ өлөн, кыра эрдэҕиттэн
үс ыалынан иитиигэ сылдьар. Бу сылдьан Ытык Күөл түөрт
сыл үөрэтэр биир кылаастаах таҥара дьиэтин оскуолатыгар
үөрэнэр, онтон салгыы учуутал убайыгар Василий Иванович
Софроновка кыстаан олорон үс сыллаах үөрэҕи ааһар. 1907
сыллаахха 21 сааһыгар туох да үбэ-харчыта суох үлэ көрдөһө
Дьокуускай куоракка киирэр. «Якутский край» хаһыакка илии-
атах үлэһитинэн, салгыы наборщигынан үлэлиир. Бэйэтин бэ-
йэтэ ииттинэн…
1912 сыллаахха «Саха саҥата» сурунаалга «Төрөөбүт дойду»
хоһооно бэчээттэниэҕиттэн Алампа бэйиэт, суруйааччы быһыы-
тынан биллэн барбыта.
119
