Page 120 - Литература 7 кылаас 1 чааhа

Анемподист Иванович төрөөбүт норуотугар көҥүлү, үөрэҕи,
сайдыыны баҕарара. Ол туһугар элбэҕи оҥорбута, тэрийбитэ.
Бэйэтэ суруйарын курдук: «Саха өрөспүүбүлүкэтин территория-
тыгар Сэбиэскэй былаас олохтонуоҕуттан ыла (1919 сылтан)
мин … киниэхэ холбоһо охсубутум, этэр курдук, эргэ бырабыы-
талыстыба үтүргэниттэн олус хаалыылаах Саха сирин нэһилиэн-
ньэтин үөрэхтээһиҥҥэ уонна култуурунай таһымын үрдэтиигэ
анаммыт саҥа үлэҕэ төбөм оройунан түспүтүм».

Бүгүҥҥү күҥҥэ, Алампа сахатын норуота сайдарын туһугар
олук уурбут үлэтин тоҕус суол хайысхаҕа көрүөххэ сөп:

 саха литературатын төрүттэспит дэгиттэр талааннаах су-
руйааччы;

 сахалыы бэчээт тарҕаныытыгар акылаат уурбута, олук ох-
субута;

 саха тыйаатырын төрүттээччи, бастакы дириэктэрэ;
 бастакы театральнай кириитик;
 1926 сыллаахха бастакы тэриллибит судаарыстыба киинэ-

тин бэрэссэдээтэлэ;
 саха култууратыгар, ускуустубатыгар саха ырыата сай-

дыытын төрүттээбитэ;
 сахаттан бастакынан уопсастыбаннай хамсааһыннары

олохтоспута;
 атыы-эргиэн эйгэтигэр «Холбос» поотребкооперация сай-

дыытыгар сыратын уурбута;
 күбүөрүнэтээҕи үөрэх салаатын бастакы мэтэдьииһэ этэ.
Алампа бастакы хоһоонун болҕойон ааҕыҥ, суруйааччылыын
өй-санаа толкуйугар киириҥ.

Ааҕыы, ырытыы

Төрөөбүт дойду

Өлбүт киһи буор түгэҕэр сытарын курдук,
Мин төрөөбүт аан ийэ дойдум
Халыҥ хаарынан
Саҥата суох сабыллан сытар…
Сүүрүктээх үрэҕим

120