Page 156 - Литература 7 кылаас 1 чааhа
P. 156
Тыыннаах тыл
«Микиитэ Лэглээрин уонна билиҥҥи оҕо» тиэмэҕэ өйтөн су-
руйуҥ.
Билиэн-көрүөн баҕалаахтарга
Саха норуодунай суруйааччыта Н.Е. Мординов — Амма Аччы-
гыйа «Мөссүйүөн» кэпсээнэ «Сааскы кэм» диэн романыттан бы-
һа тардыы буолар. Амма Ачыгыйа романа 1944 сыллаахха бэ-
чээттэммитэ уонна Эрилик Эристиин «Маарыкчаан ыччаттара»
роман-эпопеятын кытта саха литературатын бастакы бөдөҥ
айымньыларынан, биһиги литературабыт сайдыы үрдүк таһы-
мыгар тахсыбытын туоһулара буолбуттара.
1951 сыллаахха нууччалыы тылбаастанан Москваҕа «Совет-
ский писатель» кинигэ кыһатыгар бастаан бэчээттэммитэ. Он-
тон ыла бу роман нууччалыы алтата таҕыста, венгр, чех, украина
тылларынан тахсыбыта.
Ааҕыы, сэһэргэһии
1920 сыллааҕы күһүн биһигиттэн тоҕус көстөөх улууспут кии-
нигэр — Чөркөөххө, быстар дьадаҥы ыаллар оҕолорун хааһына
аһыгар, дьиэтигэр олордон үөрэтэр сурахтара иһилиннэ. Мин
онно бараары өрө көтө түспүтүм — оччо ыраах сиргэ таҥнан
барар таҥаһым да суох, илдьэн биэрэр киһим да биллибэт…
Ол сырыттахпытына, куораттан быһа тахсан быһыылаах,
Чөркөөххө учууталлыы сылдьар биһиги нэһилиэк киһитэ Пётр
Васильевич Афанасьев дьонугар кэлбит сураҕа иһилиннэ. Дьэ,
аҕабар кэлиэх-барыах сирин булларбатым…
Амма Аччыгыйа
156
