Page 153 - Литература 7 кылаас 1 чааhа

— Эн аҕаҥ: «Оҕобун көрө-истэ сылдьаар», — диэтэ.
Аҕатын туһунан истээт, Микиитэ ытаары, уоһа мэрбэҥнээн
иһэн бэрт араччы тутунна.
Микиитэлээх Буута хоонньоһон баран сибигинэһэн сэһэр-
гэһэ сыттылар.
Оскуола — эргэ «нуучча дьиэтэ». Дьиэ ортотунан кылгас,
хараҥа көрүдүөр. Көрүдүөр аҥаар өттүгэр мөссүйүөн оҕоло-
ро уонна кинилэр астарын бэлэмниир эмээхсин сүүрбэччэлээх
үөрэммэт уолунуун олорор. Кинилэргэ Сыллай Луха дьиэлэнэр.
Дьиэ аҥаарыгар кылаас уонна учуутал хоһо.
Оҕолор хосторугар остуол, олох мас эҥин диэн суох сирэ,
орон туһунан этиллибэт даҕаны. Бары бэйэ-бэйэлэригэр ыгыта
түсүһэн муостаҕа кэккэлэһэн утуйаллар.
Оҕолору Сыллай араастаан муҥнуур, эттэрин суоһугар сы-
лытыһан саҥардыы нухарыйан эрдэхтэринэ сапта сытар таҥас-
тарын хастыы тардар, сирэйдэригэр тымныы ууну ыһар, кы-
маахтыыр, баттахтарын тардар. Утуйбут уолаттары баттахта-
рыттан холбуу баайталаан баран уһугуннаран, ууларыгар аҥаа-
рыйбыт оҕолору охсуһуннаран көрүлүүр. Сыллай дьиибэтиттэн
куттанан, киэһэ хойукка диэри утуйбаттар, сарсыарда эрдэ,
кини иннинэ тураллар. Учууталга үҥсээри гыммыт оҕо муннугар
томороон сутуругунан дугдуруйар эбэтэр быччыҥын күүрдэн
баран, харбатан чаҕытар. Оҕолор киниэхэ «балабыына буор-
суйа» биэрэр иэстэн хаһан да тахсыбаттар. Ол аата, өлүү аста-
рын аҥаардаан баран, киниэхэ таллараллар.
Сотору Сыллай Лухаҕа Микиитэ улахан буруйу оҥордо. Хан-
нык эрэ улахан бэчээттээх кумааҕынан сиэртибэ хомуллан Буута
Болтоойоп уол үөрэнэригэр көмөлтө харчы киирэр. Түүн Сыл-
лай биир уолга ол харчыны албыннаан ыларга сүбэлээтэ.
«Өрөбүлгэ дьиэтигэр бардаҕына, аара ситэн ылан, «Эйигиттэн
учуутал харчы иэс көрдөтөр» диэххэ. Кини эрэбил биэриэҕэ
уонна учууталтан иэстиэ суоҕа» диэн ньыманы эттэ Сыллай.
Биирдэрэ сөбүлээтэ. Ол сүбэлэһиини Микиитэ соҕотоҕун иһит-
тэ уонна кистээн Болтоойопко этэн биэрдэ. Онтон өстөнөн Луха
Микиитэни наһаа атаҕастыыр, араастаан муҥнуур буолла.
Онуоха эбии Микиитэ бэйэтэ да киирэн биэрэн иһэр. Тэтэрээ-
тигэр чэрэниилэни тоҕон баран ыга куттанан, учууталга уруучука

153