Page 150 - Литература 7 кылаас 1 чааhа
P. 150
өйөнөн турар. Микиитэ «туоһу сыһыаран баран мас саанан
ытыалаабыт киһи» диэн саныы олордо. Онтон аттыгар олорор
нэк сонноох уол тоҥолохтоото. Кини одууласпыта өр буолбут
быһыылаах, лору-лоппоҕор сүүһүн аннынан бүлтээриччи көрөн
кэбиспит. Микиитэ утары одуулаһан олорбохтоон баран тэйэ
сыҕарыйда. Уола ыкса халбарыс гынна. Ол курдук сыҕарыҥ-
наан, Микиитэ эмиэ олорор сирэ баранна, онтон учуутал тугу
эрэ саҥарарын кытта, хос иһэ соҕотохто өрө тигинии түстэ, оҕо-
лор бары аан диэки сырыстылар. Микиитэ эмиэ ойон таҕыста.
Аҕата баар эбит. Аҕатын бадьыр курдук чэрдээх тарбахтарын
туппахтыы-туппахтыы, Микиитэ көрбүт сонунун кэпсии турда.
Учуутал тахсан Дьөгүөрдээнтэн араспаанньатын ыйытта.
— Оттон мин Лэглээр уолунабын… бу киһи Лэглээр сиэнэ,
мин уолум буоллаҕа…
Учуутал күлэ түстэ.
— Доҕоор, оттон ол хос аат буоллаҕа дии. Лэглээр оҕон-
ньор дьиҥнээх аата — Миитэрэй, ону билэбин. Оттон арас-
паанньаҕыт кимий? Кинээс хайдах суруйарый?
— Ким билэр… Оттон «Лэглээр уола» диэн эрэр ини… —
Дьөгүөрдээн симиттэн хаалла.
Оҕолор тустан муостаҕа үҥкүрүйэллэр, бэргэһэни өрүтэ тэ-
биэлииллэр, күдэн-куоппас көтөр, айдаан-күлүү күүгүнүүр.
150
