Page 149 - Литература 7 кылаас 1 чааhа

тан кэбистиҥ… Чэ, доҕор, киирэн үөрэнэн көрүөххэ эрэ, — эдэр
киһи Микиитэни харытыттан харбаата.

Уол барымаары чыраахтаста да, анараа киһи тохтоппокко
дьулурутта.

— Аҕаа!
— Мин манна олоруом…
Үгүс оҕолордоох хос иһигэр буолан хааллылар. Утары мун-
нукка оҕо көтөҕүүлээх дьахтар таҥара олорор. Уҥа эркин ор-
тотугар кугас бытыктаах киһи мэтириэтэ олорор, кини сарын-
нарыгар өруү быалар төбөлөрө намылыспыттар уонна түөһүгэр
манньыат харчылар кэккэлэспиттэр.
Микиитэ чугурус гынна. Учуутал лэглэритэн илдьэн биир
таһа суох нэк сонноох уол аттыгар олорто уонна ыйытта:
— Эн кимҥиний?
Сибилигин аҕатын кытта кэпсэтэн, манна бэйэтэ киллэрэн
баран, саҥа көрбүккэ дылы ыйыппытыгар Микиитэ саҥарбата.
— Ааккын билбэккин дуо?
— Оттон Микиитэбин дии.
— Мин кимминий?
— Эн дуо?.. Учуутал буолуон.
— Сөп, учууталбын. Араспаанньаҥ кимий?
— Билбэппин… Лэглээр уолун уолунабын…
Оҕолор бары күлсэ түстүлэр.
— Лэглээр диэн ол хос аат эбээт, мин араспаанньаҕын
ыйытабын дии. Лэглээрдэр араспаанньалара кимий? — учуутал
оҕолору эргиччи көрдө. — Ким билэрий?
Микиитэ араспаанньатын ким да билбэт эбит, бу уол Лэг-
лээр уолун уола буоларын эрэ билэллэр эбит.
— Чэ, туох буолуой, быһааран иһиэхпит, — учуутал Микиитэ
төбөтүн имэрийдэ уонна атын оҕолорго барда.
Микиитэ эһэтин дьон бары Лэглээр диэн ааттыыллара, кини-
лэр Лэглээрдэр диэн этилэр: онтуката аны хос аат буолан таҕыста.
Саамай кыралар аан диэки олороллор эбит. Ол дьон орто-
лоругар биир олус мааны таҥастаах, кэтит сирэйдээх, халыҥ
уостаах уол соҕотоҕун олорор. Кылаас саамай түгэҕэр Сыллай
Луха соҕотоҕун кытаран олорор. Хос ортотугар кыракый остуол,
олох мас. Остуолга сүрдээх халыҥ кинигэ сытар. Үрүҥүнэн су-
руллуталаабыт хара кырааскалаах, түөрт муннуктаах хаптаһын

149