Page 144 - Литература 7 кылаас 1 чааhа
P. 144
Анаан дьүүллэһии
«П.А. Ойуунускай туохха барытыгар саха норуотуттан баста-
кы, бастыҥ буолбут, саҥаны арыйбыт уһулуччу киһи» диэн тиэмэ-
ҕэ кэпсэтиһиҥ.
Билиэн-көрүөн баҕалаахтарга
Саха литературатын классик суруйааччыта П.А. Ойуунускай
уонна дьүкээгир литературатын төрүттээбит Н.И. Спиридонов —
Тэки Одулок биир дьылҕалаахтар. Тэки Одулок Платон Ойуунус-
кай курдук оҕо сылдьан тиийиммэт-түгэммэт олоҕу билбитэ, ол
гынан баран эмиэ дьаныһан туран үөрэнэн, 1934 сыллаахха Пла-
тон Ойуунускай сахалартан бастакы учуонай буолбутун курдук,
кини эмиэ норуотугар бастакы экономическай наука кандидата,
эмиэ уопсастыбаннай уонна судаарыстыбаннай деятель буолбу-
та. Платон Ойуунускай 1937 сыл тохсунньутугар норуот өстөөҕө
аатыран тутуллар, онтон Тэки Одулок бу дьыл сааһыгар хаайыл-
лар уонна 1938 сыллаахха бириигэбэр олоххо киллэриллэн өлөр.
Устуоруйа биир кэрдиис кэмэ икки норуоттан чулуу уолаттарын
илдьэ барбыт эбит уонна 1955 сыллаахха реабилитацияланан,
үтүө ааттарын норуоттарыгар төннөрөр.
ЛИТЕРАТУРАЛАР АЛТЫҺЫЫЛАРА
МАЖИТ ГАФУРИ
Башкир суругунан литературатын аан бастаан саҕалаабыт ки-
һинэн, татаар уонна башкир норуоттарын литератураларын клас-
сига Мажит Гафури (1880—1934) буолар. Кини татаардыы уонна
башкирдыы тылларынан тэҥҥэ суруйара, ол иһин ити икки лите-
ратура классигынан ааҕыллар.
Мажит Гафури улуу Өктөөп өрөбөлүүссүйэтин, норуоттар көҥүл
дьоллоох олохторун өрө күүрүүлээх ырыаһыта этэ. Кини «Татаар
джигитигэр», «Андаҕар», «Биһиги суолбут», «Илиигин аҕал» диэн
курдук хоһоонноро өрөбөлүүссүйэ уонна Гражданскай сэрии сыл-
ларыгар үлэһит, хамначчыт дьон гимнэринэн, саҥа үөскүүр башкир
144
