Page 142 - Литература 7 кылаас 1 чааhа
P. 142
3. Бу кылгас кэрчиккэ түптэлэс тымныыттан хаайтарбат харда-
рыта ытыалаһыы уота-күөһэ, тыаһа-ууһа илэ-бааччы иһиллэн кэ-
лэргэ дылы буолар кистэлэҥэ туохханый? Уус-уран кэрэхсэбилин
быһаарсыҥ.
4. Ырыппыт үлэҕитигэр тирэҕирэн силлабическай хоһоон сүрүн
бэлиэлэрин быһаарыытын оҥорон көрүҥ.
Ааҕыы, сэһэргэһии
П.А. Ойуунускай Гражданскай сэрии саҕана, 1919 сыллаах-
ха, Томскай губерниятыгар Колчак былааһынан сыылкаҕа утаа-
рыллан, өлөр-тиллэр мүччүргэнигэр сылдьан, үйэлээх сааһын
үтүө доҕоругар М.К. Аммосовка «Син-биир буолбаат?!!» диэн
хоһоонун анаабыта. Онуоха кини хаһан да, ханнык да түбэлтэҕэ
кэһиллибэт кэриэс-хомуруос андаҕар тылларын эппитэ.
Син биир буолбаат?!!
(Максим Киирэбис Омуоһапка)
Аарт-татай! Алаата оҕолор!
Аан-ийэ дайдыбыт үрдүгэр,
Саха хамначчытын иннигэр
Сардаҥалаах ааны аһаарыбыт —
Күүрээннээх мөккүөрү күүрдэммит,
Күүстээх үлэни үлэлээммит —
Хараҥа олох халбарыйарын иннигэр
Ханна да бараммыт
Хара хааммыт тохторо
Син биир буолбаат?!!
Сир үрдэ киэҥ —
Үлэлиирбит курдук үлэлиэхпит,
Үрүҥнэри кытта мөккүһүөхпүт…
Өрөгөйдөөх өрөбөлүүссүйэ иннигэр
Өстөөхтөн өлөр да күннээх буоллахпытына,
Төрүөбүт ийэ буор сирбитигэр
Төннөн, өлбөтөхпүтүн даа! — диэммин
142
