Page 137 - Литература 7 кылаас 1 чааhа
P. 137
Уран тыл уустара
Улуу аптаах күүс уолбат быйаҥа, киэҥ киэлитэ уус-уран ли-
тератураҕа баарын алын кылаастарга кэпсэтэн турабыт. Уран
тыл уустара төрөөбүт тылларын дэгиттэр баһылаабыт, тыл абы-
лаҥын, илбиһин иҥэриммит, тыл күүһүн ааҕааччыга тиэрдэр,
дириҥ этэр санаалара үйэлэри уҥуордуур уонна хас саҥа
көлүөнэ дьоҥҥо сонуннук дьайар кыахтаах ураты дьон буолал-
лар. Кинилэр айымньылара аахпыты долгутар, сүрэҕи өрүкүтэр,
сырдыкка, үрдүккэ угуйаллар.
Уран тыл уустара Былатыан Ойуунускай, Эрилик Эристиин,
Эллэй, Амма Аччыгыйа, Күннүк Уурастыырап, Суорун Омол-
лоон төрөөбүт тылбыт барҕа баайын, кэрэтин биһиэхэ тириэр-
дибит улахан өҥөлөөхтөр. Саха норуотун улуу суруйааччылара
саха олоҕун ойуулаан-көрдөрөн кэрэһэлээбит эрэ буолбатах-
тар, кинилэр айымньыларыгар олох уонна киһи туһунан дириҥ
бөлүһүөктүү санааларын эппиттэрэ, умнуллубат уобарастары
айбыттара, ийэ тыл сүмэтинэн ааҕааччыны умсугуппуттара.
Уран тыл уустарын бастыҥ айымньыларын ааҕыҥ, суруйаач-
чылыын сэһэргэһиигэ киириҥ.
ПЛАТОН АЛЕКСЕЕВИЧ СЛЕПЦОВ — ОЙУУНУСКАЙ
(1893—1939)
Саха тыла сайдыан баҕарабын, сай-
дыа диэн бэркэ эрэнэбин.
П.А. Ойуунускай
Хайа баҕарар норуокка кини туох-
баар үтүөтүн, өркөн өйүн, самныбат са-
наатын, сырдык ыратын, көҥүл дьыала-
тын иҥэриммит дьон баар буолар. Он-
нук дьон үгэс курдук норуот олоҕор бы-
һаарыныылаах кэмҥэ чаҕылҕан курдук
күлүм гынан ааһааччылар. Сахаларга
биир оннук киһинэн Ойуунускай буолар.
Софрон Данилов
137
