Page 132 - Литература 7 кылаас 1 чааhа

«Бэйи, күлэн эр, мин эйигин биирдэ эмэтэ ытатыам ээ», —
диэн, Сэмэнчик иһигэр улаханнык сананар. Ол да сананнар,
Маайаны соҕотохтуу эрэ көрүстэр, тугу да булан этиэн билбэк-
кэ муҥнанар. Кыыс буоллаҕына күлүүтэ-элэгэ ордук сүрдэнэр.

«Маҥа бэйэлээх абата эбит, абата!» — диэн, иһигэр эрэ Сэ-
мэнчик туой кыһыйан хаалар.

Билигин даҕаны кини ол курдук кыһыйан хаалла. Күөл кы-
тыытыгар үүнэн турар хамыһы уу долгуна аргыый аҕай сымна-
ҕастык хамсатар. Күөл оттотугар муус маҥхайа көҕөрөн көстөр.
Ол үрдүгэр тураахтар хааҕыргаһа-хааҕыргаһа хаамса сылдьал-
лар, өлбүт балыгы былдьаһан, бэйэ-бэйэлэрин эккирэтиһэллэр.

Сэмэнчик, үөһэ тыынан баран, солооһунугар төннөн таҕыста.
Табыырын ылан, иккитэ-үстэ табыйан көрөн баран, тохтоото.
Үлэлиэх санаа кэлбэтэ, өйүттэн Маайа кыыс арахпата. «Куһа-
ҕаннык саҥата суох хааллым. Тоҕо баҕас кыһыытай? Бэйи, аны
көрүстэрбин эрэ, сүгүн арахсыам суоҕа», — дии санаата Сэмэн-
чик. Онтон, хаһан даҕаны киһилии үлэлиэ суохпун диэн, табыы-
рын кистээн баран, дьиэтигэр барда.

***

Хас да хонон баран, биир киэһэ Сэмэнчик Маайа олорор
сайылыгар барда. Ол баран истэҕинэ, арай тыа иһигэр дьахтар
сүөһүнү үүрэр саҥата иһилиннэ.

Сэмэнчик, соһуйбут киһи курдук, тохтуу биэрдэ, сүрэҕин
тыаһа битигирэс буолла, кулгааҕа хайдах эрэ итий гынна. «Кини
сылдьар ээ, — дии санаата, — хайыах баҕайыный? Баран, ыйы-
тан көрүөх баҕайы дуу? Ол эрээри дэлэ кыыс буолбатах, чу-
гаһатыа суоҕа».

Итигирдик иһигэр саныы-саныы, Сэмэнчик, хайтах да гы-
ныан булбакка, суол устун төттөрү-таары хаамыталаата. Ол
икки ардыгар дьахтар саҥата чугаһаан кэллэ, тыаҕа сүөһүлэр
маһы тоһута үктүүр тыастара иһилиннэ.

«Ээ, чэ, хаһан да син биир, бардаҕым», — дии санаата Сэ-
мэнчик, ол-бу диэки көрбөхтөөн баран, тиэтэйбит киһи быһыы-
тынан тыаҕа таҕыста. Аҕыйах хаамыыны барбытын кэннэ, суон
тиит кэнниттэн Маайа кинини уун-утары тахсан кэллэ.

Сэмэнчик, Маайаны көрөөт, тохтоото, ол гэннэ күлэн ымай-
да. Онуоха Маайа, кини диэки кытаанах соҕустук көрөн баран,
эттэ:

132