Page 130 - Литература 7 кылаас 1 чааhа

Күн анныгар үөскээн-төрөөн сылдьар сүүрэр атахтаах, көтөр
кынаттаах, сааһын тухары сүүһүн көлөһүнүн уллуҥаҕар аҕаан, ул-
луҥаҕын көлөһүнүн сүүһүгэр аҕаан үөскээн олорор саха урааҥ-
хай, саас кэлбигигэр көҥүл баран, үөрэр-көтөр үгэстээх.

Куһаҕан сигилилээх сигилитэ көнөргө дылы гынар, сүрэҕэ
суох сүрэхтэнэр, ыалдьыбыт тиллэргэ дылы буолар, санаата
түспүт — көтөҕүллэр.

Ок-сиэ! Кынаттааҕым буоллар, ханна эмэ ыраах көтөн баран
хаалыам этэ, диэн киһи эрэ саныыр санаата.

***

Сэмэнчик, алааһын үрдүнээҕи солооһуҥҥа сир табыйа ту-
ран, аллара, күөл кытыытыгар кустар түспүттэрин көрөн, саатын
ылан, ытаары үөмэн киирдэ. Кини быйыл саас саҥа саалам-
мыт эбит, онон кус ууга олорорун эрэ көрдөр, үөмэн көрүмүнэ
эрэ буолбат. Аргыый аҕай талах быыһынан Сэмэнчик үөмэн
истэҕинэ, кустара, маатырҕаһа-маатырҕаһа, көтөн бардылар.
Сэмэнчик улаханнык кыһыйда. «Туох абааһыта кэлэн көтүттэ,
тыаспын истибит баҕайылар дуу, улаханнык тыаһыырга дылы
гымматаҕым ээ», — дии санаата иһигэр. Арай тура эккирээн
көрбүтэ, күөлү кытыытынан хонуу устун биир үрүҥ былааттаах
дьахтар, түргэн соҕустук хааман, ааһан иһэр эбит. Дьахтары кө-
рөөт, Сэмэнчик биллэ. Сүрэҕэ хайдах эрэ тэбэргэ дылы гынна,
сирэйэ тоҕо эрэ кытар гына түстэ, тыынара кылгаата.

— Хайа, бу тугу гынаары саһан тураҕын? — диэтэ дьахтар,
элэк гыммыт курдук.

Сэмэнчик, күлэн ымайан баран, көхсүн этиттэ, ол кэннэ эттэ:
— Тоҕо куспун көтүттүҥ?
— Ээ, эрэйдаэх, эмиэ сааһыт буолаахтааҥҥын, тугу эрэ
өлөрөөрү, — диэтэ дьахтар күлэ-күлэ. Онтон Сэмэнчик кыһыйа
санаата.
— Эн кэлэн көтүппэтэҕиҥ буоллар, өлөрүөм да этэ, доҕор!
Хайа, бу ханна бардыҥ?
— Эйиэхэ онуоха туох баарый? — диэн баран, кыыс-дьах-
тар түргэн соҕустук хааман бара турда. Сэмэнчик, ах бэрдэрэн,
саҥарбакка, кэнниттэн эрэ көрөн хаалла, кыыс көстүбэт буол-
тун кэннэ кини, олорон, табаах татта. Ол олордоҕуна киниэхэ
өйүгэр араас санаа көтөн түстэ.

130