Page 129 - Литература 7 кылаас 1 чааhа

литературатын үтүө сабыдыалынан сайдыбыта. Ордук А.С. Пуш-
кин, М.Ю. Лермонтов, Л.Н. Толстой, Н.В. Гоголь айымньыларын
сөбүлээн ааҕара. Кини элбэх кэпсээннэрэ, уочаркалара, ыста-
тыйалара нууччалыы тылынан суруллубуттара. Маны таһынан,
П.А. Ойуунускайдыын Н.В. Гоголь «Ревизорун», Н.Н. Павлов —
Тыаһыттыын А.С. Пушкин «Борис Годунов» драматын тылбаас-
таабыта. Кини биир доҕоругар маннык суруйбута: «Нуучча клас-
сиктарын кинигэлэрин ылларгын эрэ, ис-искиттэн өрүкүйэҕин,
санааҕын кумааҕыга этиэххин баҕараҕын. Мин испэр: «Суруй,
доҕоччуок, бэйэҥ күүскүн холонон көр. Баҕар, туох эмэ тахсаа-
рай», — диэн арахсыбакка сибигинэйэр туох эрэ тулуппат-тэ-
һиппэт баар», — диэн.

Н. Д. Неустроев сорох айымньылара өр кэмҥэ бобулла сыл-
дьыбыттара. Ол курдук, «Тар» драма 1926 сыл, «Куттал» уонна
«Үрүҥ Күөлгэ» кэпсээннэр 1936 сыл кэнниттэн өр бэчээттэм-
мэккэ сылдьыбыттара.

Ю.И. Васильев суруйааччы «Прокажённые», «Факир», «Тор-
жество смерти» кэпсээннэрин, «Доҕорбор» уонна нууччалыы
суруллубут хоһооннорун дьонугар кэриэс суругун архыыптан
ылан күн сирин аан бастаан көрдөрбүтэ.

Ааҕыы, ырытыы

Сэмэнчик

Саас кэлэн, хара тыа көҕөрбүт, киэҥ толоон устатын тухары
иэнэ биллибэт күөх дьэрэкээн солко таҥаһы тиирэ тардан кэ-
биспит курдук буолбут.

Төрдө-төбөтө биллибэт күүстээх сүүрүктээх өрүс эбэ хотун,
кырыалаах-кыыдааннаах кыһын обургу халыҥ мууһунан хаппах-
таан хаайан турбутун үлтү күөрэлээн тахсан, унаарыйан көстөр
киэҥ хочотун икки хара ии хайатынан ыла, сырдык дьүһүннээх
тымныы уунан толорон кэбиспит.

Саас кэлэн, тыаҕа таҕыстаххына — чыычаах ыллыыр, ууга
киирдэххинэ — балык оонньуур, көҕөрбүт күөх тыам баһын кэрэ
дьүһүннээх кэҕэ кыылым киэһэлэри, сассыардалары этэн чор-
гуйан сатарытар буоллаҕа.

129