Page 128 - Литература 7 кылаас 1 чааhа
P. 128
Анаан дьүүллэһии
«Өксөкүлээх Өлөксөй, Алампа төрөөбүт норуоттарын дьыл-
ҕатын туһунан санаалара», «Төрөөбүт дойдубут кэскилин ту-
һунан билиҥҥи эдэр ыччат өйдөбүлэ» диэн тиэмэлэргэ кэпсэ-
тиһиҥ.
НИКОЛАЙ ДЕНИСОВИЧ НЕУСТРОЕВ
(1895—1929)
Н.Д. Неустроев — саха уус-уран ли-
тературатын төрүттэспит дьонтон биир-
дэстэрэ. Кини сааһынан барыларыттан
эдэр этэ. Кини саха литературатыгар
нарын, истиҥ, уйаҕас дууһалаах кэп-
сээнньит, хоһоонньут, драматург, ко-
медиограф, тылбаасчыт, фольклорист
быһыытынан биллибитэ.
Н.Д. Неустроев баара-суоҕа 34 эрэ
сыл олорон ааспыта, ол эрээри бэйэтин
норуотугар өлбөт-сүппэт айымньылары
суруйан хаалларбыта. «Куһаҕан тыын»,
«Оҥоруу кытаанах», «Тиэтэйбит», «Ку-
каакы Кулуба», «Тар» пьесалара, кэпсээннэрэ, уочаркалара но-
руот таптаан, умсугуйан туран ааҕар айымньыларынан буолбут-
тара. Николай Денисович сахалартан бастакынан драматургия
жанрыгар комедияны суруйууга үлэлээбитэ, кини суруйан хаал-
ларбыт пьесалара П.А. Ойуунускай аатынан Саха драматическай
тыйаатырын сыанатыттан түспэттэр.
Николай Денисович Дьокуускайдааҕы түөрт кылаастаах учуу-
луссаҕа үөрэнэ сылдьан 1912 сыллаахтан саҕалаан литератур-
най айар үлэнэн дьарыктаммыта. Дьоҥҥо-сэргэҕэ биллибит
бастакы айымньыларынан 1915 сыллаахха суруллубут уонна
1917 сыллаахха «Сибирские записки» сурунаалга бэчээттэнэн
тахсыбыт «Дикая жизнь» диэн кэпсээнэ, 1917 сыл күһүнүгэр
Дьокуускайга Норуот дьиэтигэр туруоруллубут «Тимир дьон
оҕолоро» диэн пьесата буолаллар.
Николай Денисович айар дьоҕура улуу нуучча классическай
128
