Page 127 - Литература 7 кылаас 1 чааhа
P. 127
Тыыннаах тыл
Алампа «Төрөөбүт дойду» хоһоонуттан уус-уран айымньыга
этиини оҥоруу ньымаларыгар холобурдары булан, хоһоон ис но-
моҕун тиэрдиигэ ити ньымалар тугунан, хайдах көмөлөспүттэрин
быһаарсыҥ.
Ааҕыы, сэһэргэһии
Ыччат сахаларга
Саргылардаах сахаларбыт
Салаһыннаах саҥаларын
Саҥалыыра тойугунан
Салайан-саҥардан иһиэҕиҥ.
Ытык-кырдьаҕас дьоннорбут
Ыллаабыт ырыаларын
Ыллам-дьэллэм ырыанан
Ыллаан-туойан иһиэҕиҥ.
Ийэттэн-аҕаттан айыллыбыт
Элэ-была тыллары
Ирдээн-тордоон тураммыт,
Этэн-саҥаран иһиэҕиҥ.
Киһи — саха аатырбыт
Кэриэс-хомуруос тыллары
Кичэйэн-хачайан тураммыт,
Кэҥэтэн-уһатан иһиэҕиҥ.
Киис тыһыгар кэккэлээх,
Кэрэ-билэ доҕоттоор,
Кэлэн-баран иһэммит,
Кэскиллэ тэрийэн иһиэҕиҥ.
Уруккулуур удьуордарбыт
Уруйдаабыт олохторун
Умнубакка сылдьаммыт,
Уһатан-кэҥэтэн иһиэҕиҥ.
127
