Page 140 - Литература 7 кылаас 1 чааhа
P. 140
Өллөрбүн даҕаны өстөөхпүт буулдьатын
Өттүкпэр-сүрэхпэр түһэрэн тохтотуҥ!»
Адаардаах арҕастаах таас дьааҥы анныгар,
Аргыардаах Аммаҕа, мууһурбут буоругар
Бааһырбыт бассабыык кэриэһин эппитэ,
Барыбыт бааһырбыт сүрэхпит тэппитэ…
1929 с.
Тылбытын байытабыт
Хаппытаал-хабала — баай баттала.
Таас дьааҥы — таас төбөлөөх очуос, туруору хайа.
Аргыардаах Аммаҕа — Саһыл Сыһыыга кыргыһыы буолбут сирэ.
? Ыйытыылар уонна сорудахтар
1. Өрөбөлүүссүйэ, Гражданскай сэрии героикатын көрдөрөр ты-
ҥааһыннаах, долгутуулаах түгэннэрин ханнык хартыынала-
ра ойууланалларый?
2. Бэйиэт көҥүл туһугар харса суох хорсун быһыыны уруйдуур
хоһоонун тоҕо «Өрүөл кэриэһэ» диэн ааттаабыта буолуой?
3. Туох санааттан «өлөртөн куттаммат өрүөллэр буолам-
мыт, өлөрсөр-охсуһар өргөһү туппуппут» диэн этэрий?
4. Баандаҕа баспытын биэриэхпит кэриэтин
Харса суох санаабыт халлааны хамнатыа,
Убайар-эргийэр күлүмнүүр күн иитин
Халыйар хааннарбыт уулларан уматыа… — эһиги санааҕы-
тыгар, бэйиэт бу кэрчиккэ туох дириҥ санааны этэрий?
5. Бааһырбыт бассабыык модун санаата, идея туһугар халбаҥ-
наабат бэриниилээҕэ, көҥүл туһугар охсуһуу героизма хан-
нык түгэннэргэ көстөрүй?
6. Чинчийээччилэр бу хоһоону тоҕо саха литературатыгар
өлбөт үйэлээх айымньыларыттан биирдэстэрэ диэн этэллэрэ
буолуой?
140
