Page 146 - Литература 7 кылаас 1 чааhа
P. 146
улаҕатыгар, кыракый балаҕан дьиэлээх дьадаҥы ыалга олоро
сылдьыбытым. Москваҕа барарбар ол ыалга эргэ мас холбуйам
хаалбыта.
Кэпсээбитим курдук, былырыын сайын, аара Күндэни көр-
сө-көрсө дойдубар кэлэ сылдьыбытым. Күһүнүгэр «Кыымҥа»
быстах үлэлээн уонна педтехникумҥа үөрэнэр быраатым са-
йыҥҥы өрөбүлүгэр үлэлээбит хамнаһын дуомуттан эбинэн, суо-
лум ороскуотун арыычча толунаммын, үөрэхпэр кыратык хо-
йутаатарбын даҕаны, Москваҕа син тиийбитим. Холбуйабар
туох эмэ туһалаах маллаах курдук сананар киһи эбитим буол-
лар, ол сылдьаммын киниэхэ эргиллэн ааһыам эбитэ ини…
Нөҥүө сылыгар Москваҕа үөрэнэ кэлэригэр быраатым тоҕо
эрэ ол ыалга сылдьыбытыгар: «Бу убайыҥ холбуйатын харай!» —
диэбиттэр. Уол холбуйаны аһан көрбүтэ — эргэ хаһыаттар, ки-
нигэлэр уонна араас «Балаҕан иһэ», «Куйуур», «Кэрэх абааһыта»
эҥин курдук кылгас кэпсээннэр суруллубут тэтэрээттэрэ хаала-
нан сылдьар буолан хаалар. Бэйэтэ Москвалаары сылдьар уол
куһаҕан холбуйаны тоҕо ылыаҕай… Холбуйаны ыалга бэлэхтээн
кэбиһэр, тэтэрээттэри издательство редакторыгар А.А. Күн-
дэҕэ илдьэн биэрэр. Аҕыйах хонугунан тиийбитигэр — Күндэ
кэпсээннэри сурунаалга бэчээттэтиэх буолар, бухгалтерияҕа
этэн, харчыны бэрдэрэр. Авксентий ол харчыны аҕалбытын
этэр эбит.
Мин сааспар туппатах халыҥ харчылана түһэбин. Ону ааһан
умнууга хаалан, төрүт да имниин сүтүөх маҥнайгы кэпсээннэ-
рим көстүбүттэр. Өссө Күндэ курдук улахан суруйааччы хайҕаа-
быт, бэчээттэтиэх буолбут.
Халыҥ харчыны университет сберкассатыгар туттара охсон
кэбистибит. Онтон сарсыҥҥытыгар сүбэлэһэммит төттөрү ылан
дойдубутугар сүрдээх кыһалҕалаахтык олорор аҕабытыгар ыыт-
тыбыт.
Биһиги Аммабытыттан бүтүн тоҕус көстөөх Чөркөөх почтаты-
гар соҕуруу дойдуттан «ол үлүгэрдээх» харчы кэлбитин ылаары,
ыраах айаҥҥа туруммутун аҕабыт олус көрүдьүөстүк кэпсиир
буолара.
«Чөркөөххө мин кими билиэхпиний? Бүөтүр учууталы ыйда-
ран тиийдэҕим дии (Пётр Васильевич Афанасьев, Чөркөөххө
учууталлыыр Чычымах киһитэ). Бүөтүр хотуна Маайа барахсан:
146
