Page 147 - Литература 7 кылаас 1 чааhа

«О, Егордан кэллэ дуу? — диэн үөрбүтүнэн көрүстэ. — Пиэтэ
чичас оскуолаттан кэлиэ. Эн манна, баһаалыста, садьыыстаан
олор», — диэн баран, өйөбүллээх олох маһы аҕала охсон биэр-
дэ эбээт!.. Ити, нуучча киһи сахалыы саҥарара истиэххэ ордук
минньигэс буолар... Сотору Бүөтүрүм киирэн кэллэ да, онноо-
ҕор ордук үөрүү-көтүү буолла...

— Туох эмэ докумуон кумааҕылаах эбитиҥ буоллар... — диэн
Бүөтүрүм мунаахсыйа соҕус саҥарда.

— Тыый, доҕор, ол эмиэ тугум кумааҕытай? Оттон Ноноох
уола Дьөгүөрдээн Мундунуоп буолбаппын дуо? Уолаттарым да
ол курдук толору ааттаан ыыттылар ини, — диибин. Бүөтүртэн,
бэйэм оҕобуттан, дьулайыам дуо. — Хата, Бүөтүөр, ол харчыны
сылааһына ыла охсон кулу, — диибин.

Тахсан, почта дьонугар аҕыйах тылы нууччалыы «пуус-паас,
баһаалыста» дииргэ дылы гынан баран, туох эрэ лоскуй кумаа-
ҕыга илии баттаата да, үс мөһөөҕү ырааһынан аахтаран ылан,
миэхэ туттаран кэбистэ... Сааһым тухары быста-быста салҕам-
мыт бэйэм, баччаҕа тиийэн, оҕолорум улаатаннар, аны мин
дьоҥҥо иэс түҥэтэр киһи буола түстүм эбээт»...

Күндэни кытта син балачча өр билсибитим, араастаан кэп-
сэппитим эбитэ буолуо да, көр, ол туһугар киниэхэ биирдэ мах-
тана саҥарбакка хаалаахтаабыт эбиппин ээ...

Амма Аччыгыйа

Ааҕыы, ырытыы

Мөссүйүөн

(«Сааскы кэм» романтан)

Инчэҕэй тирбэҕэ быстыбат.

Эрдэлиир биирдэ сонуннаах кэллэ: учууталы кытта Микиитэ
туһунан биэссэр кэпсэппит. Учуутал Дьөгүөрдээни «уолун аҕал-
лын, аҕыс оҕо миэстэтэ мөссүйүөҥҥэ баарыгар уон биир оҕо
олорор, кини оҕотун, баҕар, уон иккиһинэн ылыахпыт» диэбит
үһү. Микиитэни оскуолаҕа биэрэр-биэрбэт туһунан умнуллан
эрэр кэпсэтии эмиэ өрө күөдьүйэн таҕыста. Киэһэни быһа ол

147