Page 67 - Литература 11 кылаас 2 чааhа

Маны таһынан, маассабай литература аныгы кэм көстүүтүн
быһыытынан 1990-с сыллар ортолоруттан баар буолбута.
1980—1990-с сыллардааҕы саха поэзията тиэмэ, форма
өттүнэн уратытык сайдыбыта. Бу кэмнээҕи бэйиэттэри сүрүн -
нээн үс көлүөнэҕэ наардыахха сөп. Аҕа көлүөнэ бэйиэттэр Күн-
нүк Уурастыырап, Савва Тарасов, Николай Босиков — айыл-
ҕа уобараһын нөҥүө бөлүһүөктээн этэр хоһооннору, Пётр То-
буруокап гражданскай лиирикэни, Моисей Ефимов норуот
устуоруйа тын анаарар хоһооннору, Иван Гоголев итэҕэли
кытта ситимнээх бэйиэмэлэри, Рафаэль Баҕатаайыскай саха
интэлигиэнсийэтигэр анабыл бэйиэмэлэри, Семён Руфов көр-
күлүү хоһооннору, Василий Сивцев сонеттары суруйбуттара.
Орто көлүөнэ бэйиэттэр Николай Винокуров-Урсун, Николай
Чуор, Иван Мигалкин, Наталья Харлампьева, Егор Шеста-
ков-Эрчимэн, Василий Босяк, Василий Алексеев, Анатолий
Старостин-Сиэн Кынат айар үлэлэрэ тахсыылаах буолбута.
1990-с сыллардаахха поэзияҕа саҥа ааттар киирэллэр: Егор
Старостин-Байаҕантай, Ольга Корякина-Умсуура, Саргылана
Гольдерова-Саргы Куо, Наталья Михалёва-Сайа, Венера Пет-
рова-Венера, Уйбаан Николаев-Уххан, Николай Бугаев-Буҕа,
Сардаана Амгинская, Елена Слепцова-Куорсуннаах, Борис
Павлов, Мария Решетникова-Алексеева.
1990-с сыллардаахха ордук гражданскай лиирикэ сонун
көстүү буолар: философскай хабааннаах, бэлитиичэскэй, экэ-
нэмиичэскэй уларыйыылары анаарар, норуот кэлэр кэскилин
уус-уран тыл көмөтүнэн араҥаччылыыр, ону ааһан норуот кэ -
лэр кэскилин туһугар долгуйар ис хоһоонноох. Эрдэтээҕи бэ-
йиэттэр төрөөбүт дойдуларын бүтүн Сэбиэскэй Сойуус диэн
этэр эбит буоллахтарына, бу кэмнээҕи бэйиэттэргэ алаас
уоба раһа (малая родина) ордук хоһуйуллар.
1980-с сыллар ортолоруттан Аҕа дойду Улуу сэриитин тиэ-
мэтэ саха поэзиятыгар иккистээн эргиллэр. Сэрии кэмигэр,
кэнниттэн оҕо саастара ааспыт бэйиэттэр ахтыы хоһооннору-
гар тыыл ыарахан олоҕун итэҕэтиилээхтик ойуулууллар.
Николай Лугинов, А. Д. Сивцев-Айсен Дойду, В. Е. Васи-
льев-Харысхал, С. Н. Ермолаев-Сиэн Өкөр, И. А. Дмитриев-
Сиэн Чолбодук историческай тиэмэлэри, лиичинэстэри ары-
йар постмодернистскай хабааннаах дыраамалара сыанаҕа ту-
ран оонньоммуттара, көрөөччү сэҥээриитин ылбыттара.

М. П. Попова

67