Page 53 - ЛИТЕРАТУРА АА5ЫЫТА 3 КЫЛААС 1 ЧААhA
P. 53
Абааһылар хаспах иһигэр төттөрү-таары сырсыакала-
һан, дэлби куттаммыт уолу тутан аҕалаллар.
— Биһиги кинини тырыта-хайыта тыытыахпыт! — диэн
баһылыктара хаһыытыыр.
Хата уол өйүн сүтэрэ куттамматах, били карнайын сулбу
тардан ылбыт да, оонньоон кыйыһыппыт. Абааһылар кутта-
нан, малларын-салларын быраҕан, хаспахтан ыстаҥалаһан
тахсыбыттар да, сирэйдэрин хоту тэбинэ турбуттар.
Сарсыарда уол айан суолунан сүөһү үүрэн иһэр ча-
бааннартан* түөрт уон тэбиэни кытары түөрт уон осёлу
атыыласпыт. Били абааһылар муспут баайдарын ыҥыыр-
дан, дьиэтигэр тиийэн кэлбит. Убайа дьиэтин айаҕар
санаарҕаан олорор үһү. Быраата ыйыппытыгар эппит:
— Бырдым быста дьадайан баран, хайдах санаарҕыам
суоҕай? Оҕолорум туос аччык сылдьаллар.
— Чэ санаарҕаама, — диир быраата. — Мин баай
бөҕөнү аҕаллым, оҕолуун-уруулуун барыгыт үйэҕитигэр
тиийиэ!
Аҕалбыт баайын барытын убайыгар биэрэн баран, бэ-
йэтэ карнайын ылан эмиэ айанныы барар. Бырааһынньык,
уруу аайы карнайынан оонньуу-оонньуу, кишлактан* киш-
лакка баран испит уонна биир куоракка тиийэн кэлбит.
Ити куорат дьоно санааҕа-онооҕо баттатан олороллор
эбит. Уол ааһан иһэр киһиттэн ыйыппытыгар, киһитэ
эппит:
— Биһиги ыраахтааҕыбыт суос-соҕотох кыыстааҕа
ыалдьыбыта ыраатта. Тугу да айаҕар ылбат, кэпсэппэт,
үөрбэт-көппөт. Ол иһин ыраахтааҕы бу баһылаан олорор
сиригэр-уотугар ырыаны-тойугу, күлүүнү-оонньууну, көрү-
нары бобон турар. Кыыһын үтүөрдүбүт киһиэхэ баайын
53
