Page 73 - ЛИТЕРАТУРА АА5ЫЫТА 3 КЫЛААС 1 ЧААhA

Олус улаханнык соһуйан,
Оҕустан куоппут оҕус курдук,
Собус-соҕотохто туора ойон таҕыста.
Ити кэлин кырыытыттан,
Кинилэр диэтэх дьоннор обургулар,
Үс кыргыһыылаах Кыыс хайа хотун
Өлөрсүүлээх үрдүк мындаатыгар,
Өрө сүүрэн тахсаннар,
Икки харсыылаах атыыр оҕус курдук,
Хапсыбытынан бардылар,
То² буору
Тобуктарын хараҕар диэри
Тобулута үктээтилэр,
Ириэнэх сири
Иэччэхтэрин үүтүгэр диэри
Ибилитэ тэбистилэр.

Үс ый
Торулуур тоҕус уон хонугун
Усталаах-туоратын тухары,
Турбакка-олорбокко,
Тохтообокко-сынньаммакка,
Тура тэбинэн туран охсустулар.
Онтон анараа өттүгэр
Биһиги киһибит абааһы уолун
Тэптэҕин аайы тэмтэритэр,
Астаҕын аайы алларытар,
Оҕустаҕын аайы уйадытар буолла.

Умсары Холорук,
Киһи эрэ буоллар,

73