Page 8 - ЛИТЕРАТУРА АА5ЫЫТА 3 КЫЛААС 1 ЧААhA

букатын суох. Биһиэхэ халлаантан түһэр сөҥүүбүт ку-
мах куйаар киэнигэр холоонноох. Уу эрэ баар буоллун,
холлоох хоппот бурдуга, ото, оҕуруотун aha торолуйа
ситэр. Үүнээйигэ уу кэмчитин уйгулаах өрүс ситэрсэр
дьүккүөрдээх. Итини таһынан, төрөөбүт өрүспүт хара
тыатыгар кылааннаах түүлээҕэ, дириҥ далайыгар көмүс
хатырыктааҕа төһөлөөҕүн-хаччалааҕын ким ааҕан ситиэ
баарай?! Ол да иһин саха былыр-былыргыттан үтүө
Өлүөнэни иитэн-аһатан олорор ийэ өрүһүнэн ааттыыр,
ырыатыгар-тойугар холбуур, ытыктаан сүгүрүйэр. Дьэ,
маннык үтүө дойдуну таба тайаммыт эбиттэр былыргы
сахалар — биһиги дьүккүөрдээх өбүгэлэрбит.

Саха сирэ 3,1 м³лµйµ³н квадратнай километр иэн-
нээх. Россияҕа барыларын сабырыйар. Омук дойдуларын
кытта тэҥнээтэххэ, Франциятааҕар 6, Англиятааҕар 13
төгүл улахан.

Иэнэ, баҕар, буоллун даҕаны, иэнинэн дэлэй буолан
баран, туга да суох, хоҥкур кураанах дойду баар буолуон
эмиэ сөп. Саха сирин сиртэн хостонор эгэлгэ баайдаах,
күндү түүлээх лиҥкир тыа дойдута диэн ааттыыллар. Ол
чахчы оруннаах. Биһиги төрөөбүт ³р³спµµбµлµкэбитигэр
көмүс, хорҕолдьун, сүлүүдэ сөҕүмэр caппaaha баар. Ал-
маас сүнньүнэн биһиэхэ көстөр. Тимир, таас чох, туус,
гаас caппaaha муҥура суох ахсааннаах. 450 тыһыынча
улахан, кыра өрүстэригэр 60-чаҕа тиийэ ахсааннаах
бултанар күндү балыктаах. Олортон ордук тууччах, бил,
чыыр, уомул, собо аһылык үтүөтэ буолаллар. Саха сирэ
650 тыһыынча күөллээх. Онно төһө балык, көтөр баар
буолуой?

Уйаара-кэйээрэ биллибэт хара тыатыгар судаарыстыба
бултатан тутар сүүрбэттэн тахса күндү түүлээхтээх. Ол
8