Page 110 - ЛИТЕРАТУРА АА5ЫЫТА 4 КЫЛААС 1 ЧААhА

Улахан төрүттээх, сүүнэ киһи...
Даах-дуух», — диэтэ тураах барахсан,
Дабдаҥныы-дабдаҥныы, сахсаллан олорон.
Өлөҥ быыһыттан дьиэрэҥ обургу,
Өрө биэрэҥнээн, өгдөҥөлөөн таҕыста, —
Аҥаар атаҕын өрө көтөхтө:
«Алаата оҕолоор... булан-булан
Суору тойон оҥорууһукпут дии...
Суор сордоох сутаары гынан
Собулҕаны тоҥсуйбута улахан эбит дии...
Тураах барахсан толкуйа диэн ити буоллаҕа...
Туруйаттан ордук көтөр кынаттааҕы
Төрүөбүтүм тухары көрө иликпин:
Төлкөлөөн көрүҥ бука барыгыт.
Бадараан диэҥҥэ батыллыбатах киһи,
Анньыы курдук туйгун тумустаах,
Айматар, долгутар киэҥ куоластаах...
Киниттэн ордук ким баарый?» — диэтэ,
Кириҥнии-кириҥнии көрө турда.
Дулҕа быыһыттан буҕарҕана сордоох
Дойҕохтуу сытта, сиилии саҥарда:
«Туруйа барахсан тумсунан эрэ бэрт,
Тойон буолуон толкуйа суох...
Бадараан баһылыга, баҕа тойоно —
Барбах киһиэхэ ити да сөп», — диэн,
Баргыйан кэбистэ, сиилээн саҥарда.

III

Туруйа обургу өлөрдүк өһүргэннэ.
Тутан ылан тумсунан таһыйда.