Page 114 - ЛИТЕРАТУРА АА5ЫЫТА 4 КЫЛААС 1 ЧААhА

хаччы туттарыахха сөп. Онтон кыһын... Кыһын кумалаан-
тан мүччү ойор кытаанах...

Чэрэс сээбэҥнээн үлэтин тохтоппута уонна Чөрөһү
көрдүү барбыта. Кини ыалын кытта сүбэлэһэн көрөр са-
наалааҕа. Чөрөһө биир өкөгөр сыгынах үрдүгэр тэллэй
бөҕөнү муспут, муннун-уоһун сотто-сотто, хаппыт өттүттэн
сии, сыгынах үрдүнэн сүүрэкэлии оонньуу сылдьар.

— Дорообо, Чөрөс, — диир Чэрэс.
— Дорообо, Чэрэс! Хайа бу үлэлээбэккэ тоҕо кэллиҥ?
Эн киһи туох буоллуҥ? Кэл, хата, ыалдьыттаа. Тэллэй
эгэлгэтэ баар, — диэн Чөрөс ыалын аска ыҥырар.
— Айахпар ас барбат буолан кэллим, — диэн Чэрэс
аатын эрэ хардарар.
— Бай, ол тоҕо? Ыарыйдыҥ дуу?
— Суох, ыалдьыбатым. Биһиги тыабытын саарба бул-
бут. Былыр кырдьаҕастар тииҥ аймаҕа эстэригэр саарба
булара дииллэрэ.
— Ханна эрэ күрээн хаалыахха да, бүттэҕэ ол, — диэн
Чөрөс түргэн баҕайытык сэлибир гыннарбыта.
— Сөпкө этэҕин. Ол гынан баран кыһын кэлэрэ чуга-
һаата. Хаһааспытын быраҕан ханна сир өтүөхпүтүй?
— Оччоҕо хайдах буолабыт? — Чөрөс ытыстарын
нэлэҥнэппитэ.
— Аара кэлэн иһэммин мэйиим түллэҥниэр диэри
толкуйдуу сатаатым. Ол иһэн, эһэм оҕонньор кэпсиирин
өйдөөн кэллим. Уйаны икки хайаҕастаах гынар баҕайы
диэни. Саарба биир хайаҕаһынан былтас гыннар эрэ,
атын хайаҕаһынан субурус гынан хаалыллар. Дьэ ол кэн-
нэ саарба да буоллар, ситэ сырыттын...
— Ким билэр? Быйылгы кутуйахтаах, мас көтөрдөөх
дьылга саарба үөһэ, кумалааҥҥа тарбачыһа сатыа дуо?

114