Page 118 - ЛИТЕРАТУРА АА5ЫЫТА 4 КЫЛААС 1 ЧААhА

көстүбүтэ. Хаһыытыы түһээт, иккис хайаҕаһын бүөтүн төлө
тарпыта да, таһырдьа субурус гыммыта. Бокуойа суох үөһэ
куһугурайан тахсыбыта. Саарба үрдүгэр хаар тохтубута,
үөһэ диэки чолоҥнообутугар, хараҕар хатырык бытархайа
киирбитэ. Өйдөөх кыыл тииҥи син биир ситиэ суоҕун би-
лэн, эккирэтэ да барбатаҕа.

Чэрэс лабааттан лабааҕа ыстанан, иһиллии-иһиллии,
айаннаан иккис уйатыгар тиийбитэ. Балачча чуҥнаан
тиит умнаһын устун өрө-таҥнары сүүрэкэлээбитэ. Туох да
биллибэтин билэн, уйатыгар кыбыллан киирэн, сытынан
кэбиспитэ.

Саарба маҥнай утаа: «Ханна барар үһүгүн. Син кэлэн
биэрээ инигин» дии санаабыта, ол кэннэ чуҥнуу-чуҥнуу,
уйа хайаҕаһын тииһинэн көҥүтэ тардыалаабыта, кини да
буоллар өр сыраласпыта. Хайаҕаһы кэҥэтэн баран, иһир-
дьэ киирэн, тииҥ кэлэн биэрэрин кэтэһэн олорбута.
Кулгааҕа чуҥкунуор диэри кэтэспитэ. Тоҥон, титирээн
барбыта. Кыыһыран, тииҥ олбох отторун таһырдьа там-
наталаабыта уонна сиргэ түһэн: «Бу кэриэтин кутуйахтаа-
бытым ордук» диэн санаатын бөҕөргөтүнэ-бөҕөргөтүнэ,
мас-от быыһынан сылыпыччыйа турбута...

Саас буолбута. Ойуур күөххэ сууламмыта. Чэрэс кыһын
устата икки төгүл саарба баппаҕайыттан мүччү туттарбы-
та. Онон кини кыһыны этэҥҥэ туораан, үөрүүтэ сүрдээх.
Сайын баҕас ханна баҕарар сылдьыахха сөп, сир үрдэ
киэҥ. Кини: «Били баҕайы тоҕо биллибэтэ» диэн, Чөрөһү
ирдии барарга быһаарыммыта.

Чэрэс лабааттан лабааҕа ыстанан айаннаан испитэ.
Аллара араас өҥнөөх сибэккилэр күөгэһэ, нуоҕаһа хам-
сыыллара. Тойон ыҥырыа лоҥкунуура. Холлороон сиргэ