Page 113 - ЛИТЕРАТУРА АА5ЫЫТА 4 КЫЛААС 1 ЧААhА

Иван Федосеев

ЧЭРЭС УОННА ЧӨРӨС
( Остуоруйа )

1. Чэрэс уонна Чөрөс диэн кимнээхтэрий?
2. Кинилэр тустарынан туох санааҕа кэлбиккин кэп-

сээ. Тоҕо?
3. Ааптар тугу этиэн баҕарбыта буолуой?

Биир ойуурга Чэрэс уонна Чөрөс диэн ааттаах икки
тииҥ ыаллыы олороллоро. Арыт сарсыарда күн тахсыы-
тын иккиэн бииргэ көрсөллөрө. Тииттэр чыпчаалларыгар
күн бастакы сардаҥалара тыктахтарына, ол аалыы көмүс
сырдыгар тииттэн тииккэ ыстанан, субуллаҥныы оон-
ньууллара. Көмүс эпчиргэлэри быраҕаттаан эрэр курдук
төттөрү-таары ыстаналлара. Ол көрүөххэ кэрэ этэ.

Чэрэс сайыны быһа үлэлээн-хамсаан тахсыбыта, күн
уотугар сыламнаан, саатар, биирдэ сытан көрбөтөҕө. Ар-
дах кэнниттэн утуйар да уутун умнара. Тэллэйи хомуйан,
от-мас аайы куурда, хатара уурара. Кини хаһаастаах эрэ
буоллаҕына кыһыны туоруохтааҕын билэрэ. Түптэлэс тым-
ныыга тиит, бэс туорааҕын кирэр сыанан аҕаабат.

Биирдэ Чэрэс тэллэйдии сылдьан, уһун көп кутурук-
таах, кылааннаах түүлээх, чэрэлийбит харахтаах, эмиэ
тииҥ курдук маска бэрт сымсатык хатаастар кыылы көр-
бүтэ. Ол кыыл, моҕотойу көрөөт, аҕыйах ыстаныынан, ча-
быгыраппытынан умса баттаабыта. Ону көрөн, Чэрэс кут-
талыттан куйахата күүрбүтэ, этэ саласпыта.

— Сир харатыгар ити кыылтан сэрэнэн сырыттахха
эрэ, — диэн Чэрэс уоһун иһигэр ботугураабыта, — мүччү-